“কামৰ কথা ক’লে বেছি ভাল হ’লহেঁতেন!” : প্ৰধানমন্ত্ৰীক সমালোচনা ঝাৰখণ্ডৰ মুখ্যমন্ত্ৰী হেমন্ত চৰেণৰ

প্ৰধানমন্ত্ৰী নৰেন্দ্ৰ মোডীৰ সমালোচনাত মুখৰ হৈ পৰিল ঝাৰখণ্ডৰ মুখ্যমন্ত্ৰী হেমন্ত চৰেণ।

বৃহস্পতিবাৰে ৰাতি হিন্দীত লিখা এটা টুইটযোগে মুখ্যমন্ত্ৰীজনে কয় যে সেইদিনা প্ৰধানমন্ত্ৰীয়ে তেওঁক ফোন কৰে আৰু তেওঁক কেৱল নিজৰ ‘মন কি বাত’ কৈ যায়।

টুইটটোত তেওঁ কয় যে যদি প্ৰধানমন্ত্ৰীয়ে কিবা কামৰ কথা পাতিলেহেঁতেন অথবা শুনিলেহেঁতেন, তেতিয়া অধিক ভাল হ’ল হয়।

आज आदरणीय प्रधानमंत्री जी ने फोन किया। उन्होंने सिर्फ अपने मन की बात की। बेहतर होता यदि वो काम की बात करते और काम की बात सुनते।

— Hemant Soren (@HemantSorenJMM) May 6, 2021

উল্লেখযোগ্য যে ঝাৰখণ্ডত ক’ভিড-১৯য়ে ভয়াৱহ ৰূপ ধাৰণ কৰিছে।

ৰাজ্যখনৰ স্বাস্থ্য সচিব অৰুণ সিঙে অভিযোগ কৰামতে, ক’ভিডক প্ৰতিহত কৰিবলৈ তেওঁলোকে উপযুক্ত সহায় লাভ কৰা নাই।

বৃহস্পতিবাৰে ঝাৰখণ্ডত ১৪১ জন ক’ভিড ৰোগীৰ মৃত্যু হোৱা বুলি বাতৰি প্ৰকাশ পাইছে।