নিজৰ গুপ্তাংগ কাটি আত্মহত্যাৰ চেষ্টা চলোৱা যুৱকক উদ্ধাৰ

বোকাখাতত নগৰৰ মাজ মজিয়াত আজি দিনৰ ভাগত সংঘটিত হোৱা এক লোমহৰ্ষক ঘটনাই সকলোকে শিহৰিত কৰি তুলিছে।

বোকাখাতৰ ৰাজ্যিক পৰিবহন নিগমৰ বাছ আস্থানৰ সমীপতে নিজৰ গুপ্তাংগ কাটি আত্মহত্যাৰ চেষ্টা চলাই এগৰাকী যুৱকে।

আত্মহত্যাৰ চেষ্টা চলোৱা যুৱক গৰাকী গুৱাহাটীৰ গৌতম  তাঁতী বুলি জানিব পৰা গৈছে।

যুৱক গৰাকীয়ে নিজৰ গুপ্তাংগ কাটি আত্মহত্যা কৰিবলৈ লওঁতেই কৰ্মৰত যান-বাহন আৰক্ষীয়ে তেওঁক কৰায়ত্ব কৰি বোকাখাত অসামৰিক চিকিৎসালয়লৈ চিকিৎসাৰ বাবে লৈ যায়।

স্বল্পভাষী যুৱক গৰাকীয়ে নিজকে গৌতম তাঁতী আৰু গুৱাহাটীৰ বাসিন্দা বুলি জনাইছে যদিও অপ্ৰাকৃতিস্থ অৱস্থাত উদ্ধাৰ হোৱা যুৱক গৰাকীক মানসিক বিকাৰগ্ৰস্ত হ’ব পাৰে বুলি আৰক্ষীয়ে সন্দেহ কৰিছে। বোকাখাতত প্ৰাথমিক চিকিৎসা প্ৰদান কৰি যুৱক গৰাকীক উন্ন চিকিৎসাৰ বাবে যোৰহাটৰ চিকিৎসা মহাবিদ্যালয়লৈ প্ৰেৰণ কৰা হয়।

যুৱক গৰাকীৰ প্ৰকৃত পৰিচয় সম্পৰ্কত এতিয়াও স্পষ্ট হ’ব পৰা নাই বোকাখাত আৰক্ষী আৰু এয়া প্ৰেমজনিত ঘটনাৰে পৰিনতি বুলিও সন্দেহ কৰিছে আৰক্ষীৰ লগতে স্থানীয় ৰাইজে।