প্ৰধানমন্ত্ৰীৰ ব্ৰেকফাষ্টৰ খৰচৰ হিচাপ অনুসন্ধান কৰিব দেশখনৰ আৰক্ষীয়ে! ক’ত?

প্ৰধানমন্ত্ৰীৰ ব্ৰেকফাষ্টৰ খৰচৰ হিচাপ অনুসন্ধান কৰিব দেশখনৰ আৰক্ষীয়ে।

শুনিবলৈ আজৱ লাগিলেও ই সঁচা।

ফিনলেণ্ডত সংঘটিত হৈছে এই ঘটনা।

দেশখনৰ চছিয়েল ডেম’ক্ৰেটিক প্ৰধানমন্ত্ৰী ছান্না মাৰিনৰ পুৱাৰ আহাৰৰ খৰচক লৈ মঙলবাৰে এখনি টেবলইড ‘ইল্টেহটি’ত এক প্ৰতিবেদন প্ৰকাশ পাইছিল।

প্ৰকাশ পোৱা মতে, প্ৰধানমন্ত্ৰীগৰাকীৰ বাসাভৱনত বাস কৰা তেওঁৰ পৰিয়ালবৰ্গৰ পুৱাৰ আহাৰৰ বাবে তেওঁ মাহেকত ৩০০ ইউৰো, ভাৰতীয় হিচাপত ২৬ হেজাৰৰো অধিক টকা খৰচ কৰে।

ইয়াকে লৈ দেশখনৰ বিৰোধী পক্ষই প্ৰধানমন্ত্ৰীক আক্ৰমণ কৰিবলৈ ধৰে যে তেওঁ কৰদাতাৰ টকা অপব্যয় কৰিছে, যিটো সংবিধানবিৰোধী।

তাৰপাছতে শুকুৰবাৰে আৰক্ষীয়ে অনুসন্ধানৰ সিদ্ধান্ত লয়।

প্ৰধানমন্ত্ৰীগৰাকীয়ে এটা টুইটযোগে ইয়াক আদৰণি জনাই কয় যে ইয়াৰ দ্বাৰা চৰ্চিত বিষয়টো স্পষ্ট হৈ পৰিব।