কৃষি বিজ্ঞান কেন্দ্ৰৰ উদ্যোগত পথাৰ দিৱস অনুষ্ঠিত
কৃষি বিজ্ঞান কেন্দ্ৰ, যোৰহাটৰ উদ্যোগত অসম কৃষি বাণিজ্য আৰু গ্ৰাম্য ৰূপান্তকৰণ প্ৰকল্পৰ অধীনত ভগামুখ তামুলীগাওঁত ধানৰ কেফেটেৰিয়া কাৰ্যসূচীৰ লগত সংগতি ৰাখি পথাৰ দিৱস অনুষ্ঠিত কৰা হয়।
কৃষি বিজ্ঞান কেন্দ্ৰ, যোৰহাটৰ কাৰ্যসূচী সহযোগী ৰূপজ্যোতি চুতীয়াই আঁত ধৰা অনুষ্ঠানটিত কেন্দ্ৰটোৰ ভাৰপ্ৰাপ্ত মুৰব্বী সমীৰণ ভটাচাৰ্যই উদ্ধোধনী ভাষণ আগবঢ়ায়।
তেখেতৰ বক্তব্যত তেখেতে কয় যে, ধানৰ কেফেটেৰিয়া কাৰ্যসূচীৰ জৰিয়তে তামুলীগাওঁ অঞ্চলৰ এখন পথাৰত ধানৰ কেইবাবিধো উন্নত জাতৰ প্ৰদৰ্শনীমূলক খেতি কৰা হৈছে।
পথাৰ দিৱসৰ দিনাই অংশগ্ৰহণকাৰী কৃষক, সম্প্ৰসাৰণ কৰ্মী , কৃষি বিজ্ঞানী আৰু অন্যান্য উপস্থিত লোকসকলৰ দ্বাৰা প্ৰদৰ্শিত ধানৰ জাতসমূহৰ মূল্যায়ন কৰা হয়।
উল্লেখযোগ্য যে, কৃষি বিজ্ঞান কেন্দ্ৰ, যোৰহাটৰ APART ৰ অধীনত এই বৰ্ষত দহ বিধ বিভিন্ন জাতৰ ধান, যেনে- উচ্চ উৎপাদনক্ষম জাত শ্ৰাৱণী,ৰঞ্জিত, মাচুৰি,পানী সহ্য কৰিব পৰা জাত বাহাদুৰ চাব-১,স্বৰ্ণ চাব-১ আদি প্ৰদৰ্শন কৰা হৈছিল।
প্ৰায় চল্লিছজনৰো অধিক কৃষক উপস্থিত থকা পথাৰ দিৱসৰ অনুষ্ঠানত কৃষি বিজ্ঞান কেন্দ্ৰ, যোৰহাটৰ শস্য সুৰক্ষা বিভাগৰ বিজ্ঞানী বিক্ৰম ভটাচাৰ্য, পশুপালন বিভাগৰ বিজ্ঞানী ডা° প্ৰভাত বৰুৱা, আন্তৰ্জাতিক ধান গৱেষণা সংস্থাৰ বিশেষজ্ঞ বিবেক কুমাৰ, কনিষ্ঠ গৱেষিকা অংকিতা চাহু, যোৰহাট কৃষি বিজ্ঞান কেন্দ্ৰৰ APART ৰ আঁচনি সহযোগী প্লাৱন দেৱৰাজ আৰু পিংকি বসুমতাৰী,সহযোগী আঁচনি বিজ্ঞানী কস্তুৰী গোস্বামী আৰু গৱেষণা কৰ্মী জিতেন দাসে অংশগ্ৰহণ কৰে।
উক্ত অনুষ্ঠানটোত স্থানীয় সমাজ কৰ্মী আৰু প্ৰগতিশীল কৃষক দুৰ্লভ বৰাক সম্বৰ্ধনা জনোৱা হয়।
You may also like
ইউক্ৰেইন যুদ্ধ: ৰাছিয়াৰ ৰাষ্ট্ৰপতি পুটিনৰ ‘বাতিল সংস্কৃতি’ মন্তব্যৰ প্ৰত্যুত্তৰ দিলে জে কে ৰাউলিঙে
ৰাছিয়াৰ ৰাষ্ট্ৰপতিয়ে তেওঁৰ দেশৰ সৈতে কৰা পাশ্চাত্যৰ আচৰণক হেৰী প’টাৰৰ লেখিকাই সন্মুখীন হোৱা ৰাজহুৱা প্ৰতিক্ৰিয়াৰ সৈতে তুলনা কৰাৰ পিছত জে কে ৰাউলিঙে…
সোণালী অধ্যায়লৈ আৰু মাত্ৰ এটা খোজ : ইতিহাস সৃষ্টিৰ দুৱাৰডলিত অংকুশিতা বড়ো
গুৱাহাটীত চলি থকা বিশ্ব যুৱ মহিলা বক্সিং প্ৰতিযোগিতাৰ ফাইনেলত প্ৰৱেশ কৰি অসমৰ অংকুশিতা বড়োৱে এক প্ৰকাৰৰ ইতিহাস সৃষ্টি কৰিছে। অংকুশিতাই কালি হোৱা…
ফেব্ৰুৱাৰিত অনুষ্ঠিত হ’ব দ্বিতীয় সংখ্যক ব্ৰহ্মপুত্ৰ সাহিত্য উৎসৱ
দ্বিতীয় সংখ্যক ব্ৰহ্মপুত্ৰ সাহিত্য উৎসৱৰ আয়োজন কৰিবলৈ সম্পূৰ্ণৰূপে সাজু হৈ উঠিছে গুৱাহাটী। ফেব্ৰুৱাৰিৰ ৯ৰ পৰা ১১ তাৰিখলৈ পাঞ্জাবাৰীস্থিত শ্ৰীমন্ত শংকৰদেৱ কলাক্ষেত্ৰত অনুষ্ঠিত…
ৰাজ্যৰ চাহ খেতিয়ক সকলৰ বাবে এটা ভাল খবৰ : আহি গ’ল অত্যাধুনিক AI প্ৰযুক্তি
ৰাজ্যৰ চাহ খেতিয়ক সকলৰ বাবে এটা ভাল খবৰ। চাহ খেতিয়কৰ বাবে AI আৰু ইণ্টাৰনেটৰ আধাৰত প্ৰস্তুত কৰি উলিওৱা হৈছে নতুন প্ৰযুক্তিৰ। নিজৰ…