৫৭ সংখ্যক প্ৰতিষ্ঠা দিৱসত নাগালেণ্ডৰ জনসাধাৰণলৈ ৰাষ্ট্ৰপতি, প্ৰধান মন্ত্ৰীৰ শুভেচ্ছা

নাগালেণ্ডৰ ৫৭ সংখ্যক প্ৰতিষ্ঠা দিৱস উপলক্ষে ভাৰতৰ প্ৰধান মন্ত্ৰী নৰেন্দ্ৰ মোদীয়ে দেওবাৰে নাগালেণ্ডৰ জনসাধাৰণলৈ শুভেচ্ছা জ্ঞাপন কৰাৰ লগতে নাগালেণ্ডৰ জনতাক সহনুভূতিশীল আৰু সাহসী আখ্যা দিয়ে।

টুইটাৰত প্ৰধান মন্ত্ৰীয়ে লিখে, ‘‘ৰাজ্যিক দিৱসত নগালেণ্ডৰ ভাতৃ-ভগ্নীলৈ মোৰ শুভেচ্ছা। নাগালেণ্ডক ইয়াৰ মহান সংস্কৃতিৰ বাবে জনা যায়। নাগালেণ্ডৰ জনসাধাৰণ অনুভূতিশীল আৰু সাহসী।’’

Best wishes to my sisters and brothers of Nagaland on their Statehood Day. This state is known for its great culture. The people of Nagaland are compassionate and courageous.

May Nagaland scale new heights of progress in the coming years.

— Narendra Modi (@narendramodi) December 1, 2019

আনহাতে, নাগালেণ্ডৰ ৫৭ সংখ্যক প্ৰতিষ্ঠা দিৱসত দেশৰ ৰাষ্ট্ৰপতি ৰামনাথ কোবিন্দেও নাগালেণ্ডৰ জনসাধাৰণক শুভেচ্ছা জ্ঞাপন কৰে।

টুইটাৰত ৰাষ্ট্ৰপতিয়ে নাগালেণ্ডৰ সুন্দৰ আৰু শান্তিপূৰ্ণ ভবিষ্য কামনা কৰি ইয়াৰ কৃষ্টি, সংস্কৃতি আৰু প্ৰাকৃতিক সৌন্দৰ্যক প্ৰশংসা কৰে।

Greetings to the people of Nagaland on statehood day. Nagaland offers a unique blend of heritage, culture and natural beauty. My best wishes to all the people of this beautiful state for a bright, prosperous and peaceful future.

— President of India (@rashtrapatibhvn) December 1, 2019

নাগালেণ্ডৰ মুখ্য মন্ত্ৰী নেফিঅ’ ৰিঅ’ই নাগালেণ্ডৰ প্ৰতিষ্ঠা দিৱসত ৰাজ্যৰ জনসাধাৰণক শুভেচ্ছা জনায় বিগত সময়ত বিশ্ব বহু পৰিৱৰ্তনৰ সক্ষী হৈছে বুলি উল্লেখ কৰি পৰিৱৰ্তনে প্ৰত্যাহৱান সৃষ্টিৰ লগতে সুযোগৰো সৃষ্টি কৰে বুলি কয়।

ৰিঅ’ই ভাৰতৰ ভিতৰতে নাগালেণ্ডক শ্ৰেষ্ঠ ৰাজ্য হিচাপে গঢ়ি তোলাৰ বাবে জনসাধাৰণক একেলগে ওলাই আহিবলৈ আহ্বান জনায়।

As we continue with our pursuit for the final settlement, we also remain steadfast in our commitment for ensuring progress & development for the people #Nagaland in all spheres. Let's be aware that many of the dev. efforts is possible only with peace, good law & order situation. pic.twitter.com/UIxdUTVqmz

— Neiphiu Rio (@Neiphiu_Rio) December 1, 2019

উল্লেখযোগ্য যে, ১৯৬৩ চনৰ আজিৰ দিনটোতে ভাৰতৰ ১৬ সংখ্যক ৰাজ্য হিচাপে নাগালেণ্ডৰ জন্ম হৈছিল।

‘‘আমি ৰাজ্যৰ জন্মলগ্নৰে পৰা গৌৰৱময় আৰু বিস্ময়কৰ যাত্ৰাৰ সাক্ষী হৈছো। আশা কৰো আমি শক্তিশালীৰ পৰা অধিক শক্তিশালী হোৱালৈ এই যাত্ৰা অব্যাহত ৰাখিম,’’ মুখ্য মন্ত্ৰী ৰিঅ’ই লগতে কয়।