মন কী বাত : ‘মেৰী মিট্টি মেৰা দেশ’ কেম্পেইনৰ ঘোষণা প্ৰধানমন্ত্ৰী মোদীৰ

প্ৰতি মাহৰ অন্তিম দেওবাৰে প্ৰধানমন্ত্ৰী নৰেন্দ্ৰ মোদীয়ে ‘মন কি বাত’ অনুষ্ঠানত ভাষণ প্ৰদান কৰে। ৩০ জুলাইত মন কি বাতৰ ১০৩ তম খণ্ডত নৰেন্দ্ৰ মোদীয়ে কেইবাটাও গুৰুত্বপূৰ্ণ কথা ঘোষণা কৰিছে।

স্বাধীনতাৰ ৭৫ বছৰত দেশৰ হৈ প্ৰাণ আহুতি দিয়া ছহিদ সকলক সম্বৰ্ধনা জনোৱাৰ বাবে প্ৰধানমন্ত্ৰী নৰেন্দ্ৰ মোদীয়ে ঘোষণা কৰিছে এক অভিযান। ‘মেৰী মিট্টি মেৰা দেশ’ নামৰ অভিযানৰ অধীনত কেইবাটাও অনুষ্ঠান অনুষ্ঠিত কৰি দেশৰ ছহিদ সকলক সন্মান জনোৱাৰ কথা ঘোষণা কৰিছে প্ৰধানমন্ত্ৰী মোদীয়ে।

মন কী বাতত মোদীয়ে কয় যে দেশৰ সকলো প্ৰান্তৰ পৰা ৭৫০০ টা টাবত মাটি সংগ্ৰহ কৰা হ’ব। সেই মাটি মিহলি কৰি গছ পুলি ৰোপণ কৰা হ’ব। মোদীয়ে লগতে কয় যে এনেদৰে যুদ্ধ স্মৃতিসৌধৰ সমীপত অমৃত ভাটিকা নিৰ্মাণ কৰা হ’ব।

ইয়াৰ লগতে উত্তৰ প্ৰদেশত এদিনতে ৩০ কোটি গছপুলি ৰোপণৰ অভিলেখক লৈও উৎফুল্লিত হৈ পৰিছে প্ৰধানমন্ত্ৰী। 

নৰেন্দ্ৰ মোদীয়ে মধ্যপ্ৰদেশ আৰু উত্তৰ প্ৰদেশে পানী সংৰক্ষণৰ বাবে যিদৰে উদ্যোগ লৈছে, তাৰো প্ৰশংসা কৰে।

উল্লেখ্য মণিপুৰৰ গোষ্ঠীগত সংঘৰ্ষৰ বিষয়ে মন কী বাতত একো মন্তব্য নকৰিলে প্ৰধানমন্ত্ৰী মোদীয়ে।