তেওঁৰ পত্নী মেগানৰ সন্মুখতে গাত হাত তুলিছিল ভাতৃ উইলিয়ামে; গ্ৰন্থত লিখিলে প্ৰিন্স হেৰীয়ে!

প্ৰিন্স হেৰীয়ে তেওঁৰ নতুন গ্ৰন্থখনত ব্ৰিটিছ ৰাজপৰিয়ালৰ বিষয়ে বিস্ফোৰক তথ্য প্ৰকাশ কৰিছে।

তেওঁ তাত বৰ্ণনা কৰিছে যে কেনেদৰে তেওঁৰ জ্যেষ্ঠ ভাতৃ প্ৰিন্স উইলিয়ামে ২০১৯ চনত এক তৰ্কাতৰ্কিৰ সময়ত তেওঁৰ শৰীৰত আঘাত কৰিছিল।

ব্ৰিটিছ বাতৰি কাকত গাৰ্ডিয়ানৰ এক প্ৰতিবেদন অনুসৰি, এই মাহৰ শেষৰ ফালে প্ৰকাশিত হ’বলগীয়া হেৰীৰ কিতাপখনে ব্ৰিটিছ ৰাজপৰিয়ালৰ বিভিন্ন গোপন ৰহস্য প্ৰকাশ কৰিছে।

লগতে পঢ়ক: পশ্চিমীয়া নিষেধাজ্ঞাৰ বাবে ভাৰত, চীন আৰু ৰাছিয়াৰ মাজত বৃদ্ধি পাইছে তৈল বাণিজ্য

৩৮ বছৰীয়া হেৰীয়ে লিখিছে যে উইলিয়ামে লণ্ডনৰ ঘৰৰ পাকঘৰত মেগানৰ সৈতে হোৱা কাজিয়াৰ সময়ত তেওঁৰ চাৰ্টৰ কলাৰত ধৰিছিল।

হেৰীয়ে লিখিছে, “তেওঁ মোৰ চাৰ্টৰ কলাৰত ধৰিছিল, মোৰ নেকলেছডাল ছিঙি পেলাইছিল আৰু মোক মজিয়ালৈ পেলাই দিছিল।‘’

হেৰীয়ে লগতে লিখিছে যে তেওঁ এসময়ত এটা কুকুৰক খাদ্য দিয়া পাত্ৰত লাগি পিঠিত আঘাত পাইছিল।

লগতে পঢ়ক: দুলীয়াজানৰ পৰা ‘অপহৃত’নাবালিকাক বঙাইগাঁৱত উদ্ধাৰ

হেৰীয়ে গ্ৰন্থখনত লিখিছে যে এই ঘটনাৰ পিছত অনুতপ্ত হৈ পিছত উইলিয়ামে তেওঁৰ ঘৰ এৰিছিল। উইলিয়ামে পিছত ক্ষমাও বিচাৰিছিল।