উচ্চবর্ণ ব্যক্তিৰ বাইকত হাত দিয়াই অপৰাধ! : দলিত যুৱকক নগ্ন কৰি পথত পেলাই গণপ্ৰহাৰ

ক’ৰ’নাতংকৰ মাজতে দেশত এইটোৰ পিছত সিটো অসহিষ্ণু লোমহৰ্ষক কাণ্ডই ৰাষ্ট্ৰীয় সংবাদ মাধ্যম দখল কৰি আহিছে।

কিছু দিনৰ পূৰ্বে মধ্য প্ৰদেশৰ এটা দলিত কৃষক দম্পতিৰ ওপৰত আৰক্ষীয়ে কৰা নিৰ্মম অত্যচাৰৰ উত্তেজনা মাৰ নৌযাওঁতেই পুনৰ এক দলিত যুৱকৰ ওপৰত কৰা জঘন্য অত্যাচাৰৰ খবৰ আহিছে।

ঘটনাটো সংঘটিত হৈছে কৰ্ণাটকৰ বিজয়পুৰ জিলাৰ টালিকোট অঞ্চলৰ মিনাজি গাঁৱত।

স্থানীয় আৰক্ষীৰ মতে, এজন দলিত যুৱকে ভুলবশতঃ এগৰাকী উচ্চবৰ্ণৰ লোকৰ বাইকত স্পৰ্শ কৰাৰ বাবে ঘটনাটোৰ সূত্ৰপাত ঘটে।

#MobLynching A dalit man assaulted for allegedly touching a scooter belonging to an upper caste man. FIR registered in local police station in #karnataka #India

FIR and complaint copy in the thread, @KiranParashar21#DalitLivesMatterpic.twitter.com/pWVLhgTSc2

— The Dalit Voice (@ambedkariteIND) July 19, 2020

দলিত যুৱকজনে উচ্চবৰ্ণৰ যুৱকৰ বাইকত স্পৰ্শ কৰাৰ অপৰাধত দলিত যুৱকজনক নগ্ন কৰি পথত বগৰাই বগৰাই উচ্চ বৰ্ণৰ গঞাই গণপ্ৰহাৰ কৰে। উচ্চ বৰ্ণৰ লোকসকলৰ আক্ৰমণৰ পৰা দলিত যুৱকজনৰ পৰিয়ালটোও ৰক্ষা নপৰিল।

ঘটনাটোৰ সমগ্ৰ দৃশ্যৰাজি চ’ছিয়েল মিডিয়াত ভাইৰেল হৈ পৰিছে।

ইতিমধ্যে স্থানীয় আৰক্ষীয়ে এই আক্ৰমণৰ ঘটনাৰ সৈতে জড়িত ১৩ গৰাকী লোকৰ বিৰুদ্ধে গোচৰ ৰুজু কৰি তদন্ত আৰম্ভ কৰিছে।

কৰ্ণাটক আৰক্ষীয়ে গণপ্ৰহাৰ কাণ্ডত জড়িত উচ্চ বৰ্ণৰ লোকসকলৰ বিৰুদ্ধে দৃষ্টান্তমূলক শাস্তি প্ৰদানৰো আশ্বাস প্ৰদান কৰিছে।

উল্লেখ্য যে, দেশৰ বিজেপি শাসিত প্ৰতিখন ৰাজ্যতে উচ্চ বৰ্ণই দলিত লোকক আক্ৰমণ কৰাৰ লগতে অন্যান্য গণপ্ৰহাৰজনিত ঘটনা অত্যধিকৰূপত বৃদ্ধি পোৱা পৰিলক্ষিত হৈছে।