লক্ষ্য দুৰ্নীতিমুক্ত পঞ্জাৱ: হেল্পলাইন নম্বৰ মুকলি মুখ্যমন্ত্ৰী ভগৱন্ত মানৰ
পঞ্জাৱ চৰকাৰে দুৰ্নীতি সম্পৰ্কীয় অভিযোগ দাখিলৰ উদ্দেশ্যে নাগৰিকসকলৰ বাবে এটা হেল্পলাইন সেৱা আৰম্ভ কৰাৰ সিদ্ধান্ত লৈছে।
পঞ্জাৱৰ সপ্তদশ মুখ্যমন্ত্ৰী হিচাপে শপত লোৱাৰ এদিন পিছতে মুখ্যমন্ত্ৰী ভগৱন্ত মানে আজি টুইটাৰযোগে এই ঘোষণা কৰে।
“ভগত সিঙ শ্বহীদ হোৱাৰ দিনাই আমি এটা দুৰ্নীতি বিৰোধী হেল্পলাইন নম্বৰ মুকলি কৰিম। এইটো মোৰ ব্যক্তিগত হোৱাটছএপ নম্বৰ হ’ব।”- টুইটটোত মুখ্যমন্ত্ৰী ভগৱন্ত মানে কয়।
তেওঁ লগতে কয়, “যদি কোনোবাই আপোনাৰ পৰা উৎকোচ বিচাৰে, তেওঁলোকৰ এটা অডিঅ’/ভিডিঅ’ ক্লিপ ৰেকৰ্ড কৰক আৰু মোলৈ প্ৰেৰণ কৰক।”
भगत सिंह जी के शहीदी दिवस पर, हम anti-corruption हेल्पलाइन नम्बर जारी करेंगे। वो मेरा पर्सनल वॉट्सऐप नंबर होगा। अगर आपसे कोई भी रिश्वत मांगे, उसकी वीडियो/ऑडियो रिकॉर्डिंग करके मुझे भेज देना। भ्रष्टाचारियों के ख़िलाफ़ सख्त एक्शन लिया जाएगा।
पंजाब में अब भ्रष्टाचार नहीं चलेगा।
— Bhagwant Mann (@BhagwantMann) March 17, 2022
দুৰ্নীতিৰ গোচৰত দোষী সাব্যস্ত হোৱা সকলৰ বিৰুদ্ধে কঠোৰ ব্যৱস্থা গ্ৰহণ কৰা হ’ব বুলিও তেওঁ প্ৰতিশ্ৰুতি দিয়ে।
পঞ্জাৱত এতিয়া কোনো ধৰণৰ দুৰ্নীতি আৰু ভ্ৰষ্টাচাৰ নচলিব বুলি সকীয়নি দিয়ে মুখ্যমন্ত্ৰী মানে।