ক’ৰ’নাৰ আতংক; আৰু ৮৪ ৰে’ল বন্ধ; ৩১ মাৰ্চলৈকে বন্ধ থাকিব ১৫৫ খন ৰে’লৰ চলাচল

অহা ২০ মাৰ্চ পৰা দেশত আৰু ৮৪ খন ৰেইলৰ চলাচল বন্ধ কৰা হৈছে। ৰে’লেৱ কৰ্তৃপক্ষই আজি এই কথা জানিবলৈ দিছে।

ক’ৰ’না ভাইৰাছৰ প্ৰাদুৰ্ভাৱৰ বাবে এই সিদ্ধান্ত গ্ৰহণ কৰিছে ৰে’লৱে বিভাগে।

এতিয়ালৈকে সমগ্ৰ দেশত ১৫৫ খন ৰে’লৰ চলাচল বাতিল কৰিছে ৰে’লৱে বিভাগে।

অহা ৩১ মাৰ্চ পৰ্যন্ত বন্ধ থাকিব উক্ত ৰে’লকেইখনৰ চলাচল।

‘উক্ত ১৫৫ খন ৰেইলৰ টিকেট সংগ্ৰহ কৰা যাত্ৰীসকললৈ ব্যক্তিগতভাৱে এই বিষয়ে  অৱগত  কৰা হৈছে।’ ৰে’লৱেৰ কৰ্তপক্ষই এইদৰে কয়।

ইতিমধ্যে ৰে’লৱে বিভাগে ক’ৰ’না ভাইৰাছৰ সংক্ৰমণৰ প্ৰতিৰোধৰ বাবে বিভাগীয় সতৰ্কতা গ্ৰহণ কৰা বুলিও জনাইছে।

উল্লেখ্য যে দেশত ইতিমেধ্য ১৬৯ জন ক’ৰ’না আক্ৰান্ত ৰোগীক চিনাক্ত কৰা হৈছে বুলি কেন্দ্ৰীয় স্বাস্থ্য মন্ত্ৰালয়ে সদৰী কৰিছে।