ৰাজস্থানত SIR: ১.৫৬ কোটিৰো অধিক ভোটাৰ গণনা প্ৰ-পত্ৰ বিতৰণ
নিৰ্বাচনী তালিকাৰ বিশেষ কঠোৰ পুনৰীক্ষণ (SIR)ৰ প্ৰথম পাঁচ দিনত সমগ্ৰ ৰাজস্থানত ১.৫৬ কোটিতকৈ অধিক ভোটাৰ গণনা প্ৰ-পত্ৰ বিতৰণ কৰা হৈছে বুলি শনিবাৰে (৮ নৱেম্বৰ, ২০২৫) বিষয়াসকলে প্ৰকাশ কৰে।
মুখ্য নিৰ্বাচনী বিষয়া নবীন মহাজনৰ মতে, বৰমেৰ, চিত্তৰগড়, আৰু আলৱাৰ জিলাত এতিয়ালৈকে সৰ্বাধিক বিতৰণ হোৱাৰ বিপৰীতে ৯খন জিলা – বিকানেৰ, যোধপুৰ, ঝালাৱাৰ, হনুমানগড়, ছিৰোহি, কোটা, বালোত্ৰা, পালি আৰু জয়ছালমেৰত ২৫%তকৈও কম বিতৰণ হৈছে।
মহাজনে এই অঞ্চলসমূহৰ জিলা নিৰ্বাচনী বিষয়াসকলক প্ৰচেষ্টা তীব্ৰতৰ কৰি তুলিবলৈ নিৰ্দেশ দিয়ে আৰু দেওবাৰৰ ভিতৰত (৯ নৱেম্বৰ) বিতৰণৰ শতকৰা হাৰ কমেও ৩৫%লৈ বৃদ্ধি হোৱাৰ সম্ভাৱনা ব্যক্ত কৰে। কাৰণ সপ্তাহৰ শেষৰ ফালে বেছিভাগ ভোটাৰে ঘৰত উপস্থিত হোৱাৰ সম্ভাৱনা আছে।
মুখ্য নিৰ্বাচনী বিষয়াগৰাকীয়ে লগতে কয় যে এছ আই আৰ–ৰ অধীনত ভোটাৰসকলে অনলাইনযোগেও প্ৰ-পত্ৰ পূৰণ কৰি জমা দিব পাৰিব।
জনসাধাৰণৰ বাবে প্ৰক্ৰিয়াটো অধিক সুলভ আৰু কাৰ্যক্ষম কৰি তুলিবলৈ নিৰ্বাচন আয়োগে এই সুবিধা প্ৰদান কৰিছে বুলিও তেওঁ লগতে উল্লেখ কৰে।
You may also like
লক্ষ্য ২০১৯ৰ লোকসভা নিৰ্বাচন : বিজেপি যদি ডালে ডালে, কংগ্ৰেছ পাতে পাতে!
২০১৯ৰ লোক নিৰ্বাচনৰ বাবে বিজেপিৰ সমানে সমানে তৎপৰতা প্ৰদৰ্শনৰ বাবে অগ্ৰসৰ হৈছে বিৰোধী দল কংগ্রেছ। তাৰ বাবে কংগ্ৰেছে আৰম্ভ কৰিছে কেতবোৰ ৰণকৌশল।…
ইষ্টানবুলত বিশ্ব ঐতিহ্য ক্ষেত্ৰ হাগিয়া ছফিয়া ইছলামী নামাজৰ বাবে মুকলি
ইষ্টানবুলৰ ইউনেস্ক’ বিশ্ব ঐতিহ্য ক্ষেত্ৰ হাগিয়া ছফিয়াত শুকুৰবাৰে ইছলামধৰ্মীসকলৰ নামাজ অনুষ্ঠিত হয়। ১৫০০ বছৰ পুৰণি এই স্থানটো ১৯৩৪ চনৰে পৰা সংগ্ৰহালয় আছিল।…
ৰাজ্যৰ বিভিন্ন প্ৰান্তৰ লগতে কলিয়াবৰতো হেঁপাহৰ ৰঙালীক আদৰিবলৈ ব্যাপক প্ৰস্তুতি
ৰাজ্যৰ ভিন্ন প্ৰান্তৰ লগতে কলিয়াবৰতো ৰঙালীক আদৰাৰ ব্যাপক প্ৰস্তুতি পৰিলক্ষিত হৈছে । কলিয়াবৰ কেন্দ্ৰীয় ছাত্ৰ সন্থাই বিগত ২ এপ্ৰিলৰ পৰা অনুষ্ঠিত কৰা…
ডেমকেয়াৰ কিম! আমেৰিকা আৰু দক্ষিণ কোৰিয়াৰ লক্ষ্যত আক্ৰমণৰ অনুশীলন চলালে উত্তৰ কোৰিয়াই
উত্তৰ কোৰিয়াই কৈছে যে ইয়াৰ সামৰিক বাহিনীয়ে দক্ষিণ কোৰিয়া আৰু আমেৰিকা যুক্তৰাষ্ট্ৰৰ লক্ষ্যত আক্ৰমণৰ অনুশীলন চলাইছে। দুয়োখন দেশৰ দ্বাৰা যৌথভাৱে অনুষ্ঠিত শেহতীয়া…