আজি পৱিত্ৰ ৰাখী বন্ধনঃ বাঁহৰ কাঠি আৰু সূতাৰে ৰাখী প্ৰস্তুত কৰিলে India Book Of Records ত নাম অন্তৰ্ভূক্ত হোৱা অলিস্মিতা শইকীয়াই

আজি পৱিত্ৰ ৰাখী বন্ধন। শাওণ মাহৰ পূৰ্ণিমাৰ দিনটোতে ৰাখী বন্ধন পালন কৰা হয়। এই পৱিত্ৰ দিনটোত বায়েক-ভনীয়েকে ককায়েক বা ভায়েকৰ হাতত ৰাখী বান্ধি ভাতৃত্ববোধৰ বান্ধোন অধিক কটকটীয়া কৰি তোলে।

ৰাজ্যৰ বজাৰসমূহত বৰ্তমান ভিন্ন আৰ্হিৰ ৰাখীৰে উভৈনদী হৈ পৰিছে।তাৰ বিপৰীতে বাঁহৰ কাঠি আৰু সূতাৰে কলিয়াবৰৰ এগৰাকী যুৱতীয়ে প্ৰস্তুত কৰিছে ৰাখী।

যুৱতীগৰাকী কলিয়াবৰৰ লেটুগ্ৰাম সত্ৰৰ অলিস্মিতা শইকীয়া।উৰ্মিকা’ handmade art & craftৰ জৰিয়তে ইতিমধ্যে বাঁহৰে বিভিন্ন সামগ্ৰী প্ৰস্তুত কৰি India Book Of Records ত নাম সন্নিবিষ্ট কৰিবলৈ সক্ষম হৈছে অলিস্মিতা শইকীয়াই।

উল্লেখ্য যে তেওঁ স্বাধীনতা দিৱসৰ বাবেও খাদী কাপোৰেৰে প্ৰস্তুত কৰিছে জাতীয় পতাকা।

আনহাতেদি বাণিজ্য শাখাত একাউটেন্সী বিষয়ত মেজৰ লৈ এম কম কৰা উদ্যোগী যুৱতী অলিস্মিতা শইকীয়াই বাঁহৰে প্ৰস্তুত কৰিছে মহিলাৰ বাবে বেগ, আ-অলংকাৰ, খৰাহীকে ধৰি বিভিন্ন সা-সামগ্ৰী।