ইউটিউবাৰ ৰণবীৰ এলাহাবাদিয়াক জেৰা গুৱাহাটী আৰক্ষীৰ অপৰাধ শাখাৰ

বিতৰ্কিত শ্ব’ ইণ্ডিয়া’ছ গট লেটেণ্ট অনুষ্ঠানত অশ্লীল বক্তব্য কৰি ৰোষত পৰা ইউটইউবাৰ ৰণবীৰ এলভাবাদিয়াক জেৰা কৰিছে গুৱাহাটী আৰক্ষীৰ অপৰাধ শাখাই।

৬ মাৰ্চ বৃহস্পতিবাৰে গুৱাহাটীত উপস্থিত হৈ শুকুৰবাৰে নিশা ১২:৩০ মান বজাত ক্ৰাইম ব্ৰাঞ্চৰ কাৰ্যালয়ত জেৰাৰ বাবে উপস্থিত হয় আল্লাহবাদিয়া।

সূত্ৰই নিশ্চিত কৰিছে যে চলি থকা তদন্তৰ অংশ হিচাপে তেওঁৰ বক্তব্য লিপিবদ্ধ কৰা হৈছে।

প্ৰথমে যোৱা সপ্তাহত অসম আৰক্ষীৰ সন্মুখত হাজিৰ হ’ব বুলি আশা কৰা হৈছিল যদিও ইউটিউবাৰ গৰাকীয়ে হাজিৰ হ’ব নোৱাৰিলে। প্ৰাথমিক খবৰ অনুসৰি এলাহবাদিয়াই কইনাধৰা ৰাজ্যিক অতিথিশালাত ৰাতিটো থকাৰ সম্ভাৱনা আছে, ৰাজ্য চৰকাৰে তেওঁৰ নিৰাপত্তাৰ ব্যৱস্থা কৰিছে। আইনী প্ৰক্ৰিয়াৰ মাজতে তেওঁৰ গতিবিধিৰ ওপৰত তীক্ষ্ণ নজৰ ৰখা হৈছে।