ENCOUNTER মৰিগাঁৱৰ লাহৰীঘাটত তিনি শিশুক যৌন নিৰ্যাতন চলোৱা বৃদ্ধক আৰক্ষীৰ এনকাউণ্টাৰ
ৰাজ্যত পুনৰ সংঘটিত হ’ল আৰক্ষীৰ এনকাউণ্টাৰৰ ঘটনা।
কিছুদিন পূৰ্বে মৰিগাঁও জিলাত বলাৎকাৰী বৃদ্ধ পঠাক আৰক্ষীয়ে এনকাউণ্টাৰ কৰাৰ পিছত যোৱা নিশা পুনৰ আন এজন ধৰ্ষণকাৰীক আৰক্ষীয়ে গুলীয়ায়।
জানিব পৰা মতে কিছুদিন পূৰ্বে মৰিগাঁৱৰ লাহৰীঘাটৰ জেঙৰবৰীত ৰজনীকান্ত দৈমাৰী নামৰ ৫৫ বছৰীয়া লোকজনে ক্ৰমে ৫,৬ আৰু ৭ বছৰীয়া তিনিটি কন্যা শিশুক যৌন নিৰ্যাতন চলাইছিল।
লোক জনে চলোৱা যৌন নিৰ্যাতনৰ ফলত শিশু তিনিটি অসুস্থ হৈ পৰিছিল।
ইয়াৰ পিছতে শিশু তিনিটিৰ পৰিয়ালৰ লোকে মৰিগাঁও থানাত এজাহাৰ দাখিল কৰিছিল।
Also read : বঙাইগাঁও জিলাত ৪১৯ গৰাকী লোক এইছ আই ভিত আক্ৰান্ত
মৰিগাওঁ আৰক্ষীয়ে তৎপৰতাৰে ৰজনীকান্ত দৈমাৰীক গ্ৰেপ্তাৰ কৰি পস্ক’ আইনৰ অধীনত গোচৰ ৰুজু কৰিছিল।
যোৱা নিশা আৰক্ষীয়ে শিশু বলাৎকাৰী ৰজনীকান্ত দৈমাৰীক জেঙৰবৰীৰ ঘটনা সংঘটিত কৰা স্থান দেখুৱাবলৈ লৈ গৈছিল।
নিশা প্ৰায় ১.৩০ বজাত বলাৎকাৰী দৈমাৰীয়ে জেঙৰবৰীত আৰক্ষীৰ জিম্মাৰ পৰা পলাবলৈ অপচেষ্টা চলোৱাৰ সময়তে আৰক্ষীয়ে দৈমাৰীক লক্ষ্য কৰি গুলীচালনা কৰে।
ফলত গুৰুতৰ ভাবে আহত হয় বলাৎকাৰী দৈমাৰী।
আৰক্ষীয়ে এনকাউণ্টাৰত আহত দৈমাৰীক গুৱাহাটী চিকিৎসা মহাবিদ্যালয় চিকিৎসালয়লৈ প্ৰেৰণ কৰিছে।
লোকজনৰ দেহত কেইটা গুলী লাগিছে সেয়া এতিয়া পৰ্যন্ত জানিব পৰা হোৱা নাই।
Also read : বঙাইগাঁও জিলাত ৪১৯ গৰাকী লোক এইছ আই ভিত আক্ৰান্ত