স্মাৰ্টচিটি! এজাক বৰষুণতে কৃত্ৰিম বানত বুৰ যোৱা গুৱাহাটীত ৰৱটে কৰিব নলা চাফা

বাৰিষা এজাক বৰষুণতে কৃত্ৰিম বানপানীত জৰ্জৰিত গুৱাহাটী কিন্তু এতিয়ালৈ ইয়াৰ কোনোধৰণৰ স্থায়ী সমাধান নহ’ল।

তাৰ মাজতে অন্য এক চমকপ্ৰদ পদক্ষেপ হাতত লৈছে গুৱাহাটী পৌৰ নিগমে।

চাফাইকৰ্মীৰে নহয়, এতিয়াৰে পৰা গুৱাহাটীৰ গেলা নলা চাফা কৰিব ৰবটে।

উত্তৰ-পূৱৰ ভিতৰতে গুৱাহাটীত প্ৰথম বাৰৰ বাবে নলা নিষ্কাষণ কৰা হ’ব ৰবটৰ জৰিয়তে।

আই অ’ চি এল গুৱাহাটী পৌৰ নিগমক উপহাৰস্বৰূপে দিছে এই ৰৱটতো।

গুৱাহাটী মহানগৰীত থকা প্ৰায় ৩৭৯ টা নলা নিষ্কাষণ কৰা হ’ব এই ৰবটেৰে।

ৰবটৰ জৰিয়তে কামৰ শুভ উদ্বোধন কৰে গুৱাহাটীৰ উন্নয়ন দপ্তৰৰ মন্ত্ৰী সিদ্ধাৰ্থ ভট্টাচাৰ্যই।

অৱশ্যে প্ৰথম পৰ্য্যায়ত পাইলট প্ৰজেক্ট হিচাপে এটা ৰৱটৰে জাৱৰ নিষ্কাশন প্ৰক্ৰিয়া আৰম্ভ কৰা হ’ব।

এই প্ৰক্ৰিয়াত সফল হোৱাৰ পাছত ৪ টা ৰৱটৰে দুৰ্গন্ধময় নলাৰ জাৱৰ নিষ্কাশন প্ৰক্ৰিয়া চলায় নিয়া হ’ব।

পৌৰ নিগমৰ কোনো চাফাই কৰ্মী দুৰ্গন্ধময় নলাত ননমাকৈয়ে ৰবটেৰ জৰিয়তে নলা নিষ্কাষণ কৰিব পাৰিব। ইয়াৰ বাবে চাফাইকৰ্মীসকলক প্ৰশিক্ষণ দিয়া হ’ব।

ৰৱটৰ সমান্তৰাল ভাৱে কেইবাখনো এক্সকেভেটৰো নিষ্কাষণত ব্যৱহাৰ কৰা হব।

ইয়াৰোপৰি, এই ৰবটটোত ৪ টাকৈ কেমেৰা আছে যি নলাৰ ভিতৰৰ ৰৈ যোৱা জাৱৰ সমূহ দেখুওৱাত সহায় কৰিব।

এই ৰবটৰ জৰিয়তে নলা সমূহত কি গেছ উৎপন্ন হয় সেই বিষয়ে গম পোৱা যাব।

অৱশ্যে, পূৰ্বেও গুৱাহাটী পৌৰ নিগমে বহুকেইটা প্ৰকল্প হাতত লৈছিল যদিও সৰহসংখ্যক প্রকল্প বন্ধ হোৱাৰ উপক্ৰম হৈছে। তেনেক্ষেত্ৰত ৰৱটৰ জৰিয়তে জাৱৰ নিষ্কাশন প্ৰক্ৰিয়া কিমান দিন চলে সেয়া সময়ত লক্ষণীয় হ’ব।