আচৰিত ধৰণে ষ্ট্ৰোকৰ বিপদ হ্ৰাস কৰিব পাৰে ৰৌ মাছে; কিন্তু কেনেকৈ?

আমাৰ সকলোৰে অতি পৰিচিত এবিধ মাছ হৈছে ৰৌ মাছ। প্ৰায় সকলেৱে ভালপোৱা মাছৰ বিতৰত অন্যতম হৈছে এই ৰৌ মাছ।

প্ৰতিৰোধ ক্ষমতা গঢ়ি তোলাৰ ক্ষেত্ৰত তুলনাহীন এই মাছ।

এইবিধ মাছৰ কেল’ৰিৰ পৰিমান কম থকাৰ বাবে অতিৰিক্ত মেদবহুল লোকেও নিয়মিত এই মাছ খাব পাৰে।

ৰৌ মাছৰ তেলত থকা থকা ওমেগা-৩ নামৰ ফেটি এচিডে তেজৰ বাবে ক্ষতিকাৰক কলেষ্ট’ৰেল এলডিএল তথা ভিএলডিএল হ্ৰাস কৰে আৰু উপকাৰী কলেষ্ট’ৰেল এইচডিএলৰ পৰিমান বৃদ্ধি কৰি তোলে।

ইয়াৰ ফলত হৃদযন্ত্ৰত চৰ্বি জমা হোৱাত বাধা আহে।

আমেৰিকাৰ স্কুল অফ নিউট্ৰিশ্যনৰ জাৰ্ণেলত প্ৰকাশ পোৱা অনুসৰি এই মাছে উচ্চ ৰক্তচাপৰ বিপদ হ্ৰাস কৰে আৰু উচ্চ ৰক্তচাপ থাকিলে সেয়া কমোৱাত সহায় কৰে।

নেশ্যনেল চেন্টাৰ ফৰ বায়’লজিকেল ইনফৰ্মেশ্যনৰ তথ্য অনুসৰি, ওমেগা-৩য়ে তেজৰ অনুচক্ৰিকাক গোট মৰাত বাধা দিয়ে আৰু ফলস্বৰূপে ৰক্তনলীত গোট মৰাৰ বাবে ষ্ট্ৰোক হ’ব নোৱাৰে।

আন আৰু কেইবাখনো গৱেষণা পত্ৰত ৰৌ মাছৰ উপকাৰিতাৰ কথা উল্লেখ আছে। নিউট্ৰিশ্যনিষ্ট সকলৰ মতে এই মাছ ভাল প্ৰ’টিন উৎস।

ৰৌ মাছত ভিটামিন এ, ডি, ই থাকে।

সেইদৰে কেলচিয়াম, জিংক, ছডিয়াম, পটাছিয়াম, আইৰণ তথা খনিজ পদাৰ্থৰে ভৰপূৰ এই ৰৌ মাছ।

নিউট্ৰিশ্যনিষ্ট সকলৰ মতে ৰৌ মাছত কোলিন নামৰ এবিধ পদাৰ্থ থাকে। প্ৰয়োজনীয় এই পুষ্টি বৰ্তমান আৱিস্কৃত হৈছে আৰু ই ডিএনএ সংশ্লেষণত সহায় কৰে।

নিউট্ৰিশ্যনিষ্ট সকলে ইয়াক ভাৰসাম্য বজাই ৰাখি খোৱাৰ পৰামৰ্শ দিছে। তেওঁলোকৰ মতে, এটুকুৰা ডাঙৰ ৰৌ মাছৰ টুকুৰা ব্যঞ্জন হিচাপে খালেই যথেষ্ট।