মুৰ্খ চোৰৰ কাণ্ড! গেছ কাটাৰেৰে এটিএম লুট কৰাৰ চেষ্টা; জ্বলি ছাই হৈ গ‘ল ২১ লাখ টকা

এটিএমত সংঘটিত হয় ভয়ংকৰ অগ্নিকাণ্ড। কিন্তু সেই জুই শ্বৰ্ট চাৰ্কিটৰ ফলত নহয়। জানিব পৰা মতে, দুষ্কৃতিকাৰীয়ে গেছ কাটাৰেৰে এটিএম লুটিবলৈ চেষ্টা চলাইছিল। তাৰ পৰাই জুই লাগে। নিমিষতে এটিএমত বিয়পি পৰে জুই। ফলত এটিএমত থকা নগদ ধন ২১ লাখ টকা জ্বলি ছাই হৈ পৰে।

মহাৰাষ্ট্ৰৰ থানেৰ বিষ্ণুনগৰৰ এটা ৰাষ্ট্ৰীয়কৃত বেংকৰ এটিএমত সংঘটিত হয় এই ঘটনা। তথ্য লাভ কৰাৰ পিছতে অগ্নিনিৰ্বাপক বাহিনীয়ে সেই স্থানত উপস্থিত হৈ জুই নিয়ন্ত্ৰণলৈ আনে। কিন্তু তাৰ আগতে ২১ লাখ টকা জ্বলি ছাই হৈ পৰিছিল। এই ঘটনাৰ পিছতে অঞ্চলটোত বিয়পি পৰে উত্তেজনা।

লগতে পঢ়কঃ ৰাতিৰ আহাৰ খাই ঘৰ সোমাইছিল, পুৱা আমেৰিকাৰ বন্ধ কোঠাৰ পৰা উদ্ধাৰ দুই ভাৰতীয় ছাত্ৰৰ মৃতদেহ

জানিব পৰা মতে, শনিবাৰে গভীৰ নিশা সংঘটিত হৈছে এই ঘটনা। পুৱা ১ বজাৰ পৰা ২ বজাৰ ভিতৰত শ্বাটাৰৰ তলা ভাঙি এটিএমত প্ৰৱেশ কৰে দুষ্কৃতিকাৰীয়ে। ইয়াৰ পিছতে গেছ কাটাৰ ব্যৱহাৰ কৰি এটিএমৰ ভেণ্ডিং মেচিন খুলিছিল। সেই সময়ত এ টি এম মেচিনটো জুইৰ সংস্পৰ্শলৈ আহে। ফলত এটিএমৰ ভিতৰৰ নগদ টকা জ্বলি যায়।

ইয়াৰ ফলত এটিএম মেচিনৰ যথেষ্ট ক্ষতিসাধন হয় বুলি বেংকৰ এগৰাকী বিষয়াই জানিবলৈ দিয়ে। সেইটো সম্পূৰ্ণৰূপে ধ্বংস হোৱা বুলি কোৱা হৈছে। এটিএমৰ ভিতৰত থকা মুঠ ২১ লাখ ১১ হাজাৰ ৮০০ টকা জ্বলি ছাই হৈ পৰে। ইফালে অগ্নিকাণ্ড সংঘটিত হোৱাৰ পিছতে তাৰ পৰা দুষ্কৃতিকাৰী পলায়ন কৰে।

লগতে পঢ়কঃ ভংগ যুৱৰাজৰ অভিলেখ! ফাইনেলত ৪০০ ৰানৰ মাৰাথন ইনিংছ; দ্ৰাবিড়ৰ পুত্ৰৰ সতীৰ্থ `প্ৰখৰ’ৰ অনন্য অভিলেখ

আৰক্ষীয়ে এটিএম চলোৱাৰ দায়িত্বত থকা ইলেক্ট্ৰনিক পেমেণ্ট চিষ্টেম বিষয়াৰ অভিযোগৰ ভিত্তিত ঘটনাৰ এফআইআৰ ৰুজু কৰে। তাৰ আধাৰত আৰক্ষীয়ে অচিনাক্ত ব্যক্তিৰ বিৰুদ্ধে ভাৰতীয় দণ্ডবিধিৰ ৪৫৭, ৩৮০ আৰু ৪২৭ ধাৰাত গোচৰ ৰুজু কৰিছে।