কোভিডৰ মহা সংহাৰ : ভাৰতে ২৮ ফেব্ৰুৱাৰীলৈকে স্থগিত ৰাখিলে আন্তঃৰাষ্ট্ৰীয় বিমানৰ চলাচল

কোভিডৰ মহাসংহাৰে এতিয়া ভাৰতৰ লগতে সমগ্ৰ বিশ্বতে ত্ৰাসৰ সৃষ্টি কৰিছে। এনে সময়তে ভাৰতে আজি পূৰ্ব নিৰ্ধাৰিত কেইবা খনো আন্তঃৰাষ্ট্ৰীয় বিমানৰ চলাচল ২৮ ফেব্ৰুৱালৈকে বন্ধ ৰখাৰ সিদ্ধান্ত লৈছে।

অসামৰিক বিমান পৰিবহন দপ্তৰৰ সঞ্চালক প্ৰধানে বুধবাৰে এক নতুন নিৰ্দেশত কয় যে ভাৰতৰ পৰা অহা-যোৱা কৰা পূৰ্বে নিৰ্ধাৰিত আন্তঃৰাষ্ট্ৰীয় বাণিজ্যিক বিমান সমূহ ২৮ ফেব্ৰুৱাৰীলৈকে স্থগিত ৰখা হ’ব।

শেহতীয়া অমিক্ৰনৰ নতুন ঢৌৰ সন্মুখীন হোৱাৰ বাবে এই সিদ্ধান্ত লোৱা হৈছে।

কেন্দ্ৰই ১৫ ডিচেম্বৰৰ পৰা আন্তঃৰাষ্ট্ৰীয় বিমান আৰম্ভ কৰাৰ সিদ্ধান্ত লৈছিল।

এয়াৰ বাবল চুক্তিৰ অধীনত জৰুৰীকালীন আন্তঃৰাষ্ট্ৰীয় ভ্ৰমণৰ অনুমতি দি প্ৰতি মাহে বিমানৰ চলাচল বন্ধৰ সিদ্ধান্ত বৃদ্ধি কৰা হৈ আহিছে। আফগানিস্তান, অষ্ট্ৰেলিয়া, বাহৰেইন, বাংলাদেশ, বাংলাদেশ, কানাডা, ইথিওপিয়া, ফিনলেণ্ড, ফ্ৰান্স, জাৰ্মানী, ইৰাক, জাপান, কাজাখস্তান, কেনিয়া, মালদ্বীপ, মৰিচাছ, নেডাৰলেণ্ড, নাইজেৰিয়া, ওমান, কাটাৰ, ৰাছিয়া, ৰাছিয়া, চৌদি আৰৱ, চেচেলছ, ছিংগাপুৰ, শ্ৰীলংকা, চুইজাৰলেণ্ড, তাঞ্জানিয়া, ইউক্ৰেইন, সংযুক্ত আৰৱ আমিৰাত, যুক্তৰাজ্য, আমেৰিকা যুক্তৰাজ্য আৰু উজবেকিস্তানৰ সৈতে বিমান পৰিবহনৰ বাবল বিধি মানি চলাৰ ক্ষেত্ৰত ভাৰতৰ সৈতে চুক্তি আছে।