মংগল গ্ৰহৰ মাটিৰ গভীৰত লুকাই আছে বিশাল মহাসাগৰ! জনাইছে ইনচাইট লেণ্ডাৰে

পৃথিৱীৰ দৰে মংগল গ্ৰহও বসবাসযোগ্য হ’ব পাৰেনে? তাত পানী আছে নেকি? এনে সকলো প্ৰশ্নৰ উত্তৰ বিচাৰি অহৰহ গৱেষণা চলি আছে। ইয়াৰ মাজতে আশ্চৰ্যজনক তথ্য পোহৰলৈ আহিছে।

ভূপদাৰ্থ বিজ্ঞানীসকলে অনুমান কৰিছে যে মংগল গ্ৰহৰ মাটিৰ গভীৰত তৰল অৱস্থাত বৃহৎ পৰিমাণৰ পানী আছে। মুঠতে এটা বিশাল সাগৰ। এই বিশাল জলভাণ্ডাৰ মংগল গ্ৰহৰ পৃষ্ঠৰ ১১.৫-২০ কিলোমিটাৰ গভীৰত আছে।

এই চাঞ্চল্যকৰ তথ্যৰ আঁৰত আছে আমেৰিকাৰ মহাকাশ সংস্থা নাছাৰ মাৰ্চ ইনছাইট লেণ্ডাৰ। নাছাৰ এই লেণ্ডাৰখনে পৃথিৱীৰ ওচৰৰ গ্ৰহ বিচাৰি অহৰহ অনুসন্ধান কৰি আহিছে।

লগতে পঢ়কঃ তাৰকা ক্ৰিকেটাৰৰ পুত্ৰই জিকিলে দুটাকৈ অলিম্পিক স্বৰ্ণ! দুবছৰ আগতে পিতৃক সহায় কৰিছিল শচীনে

মংগল গ্ৰহৰ ইনছাইট লেণ্ডাৰে প্ৰেৰণ কৰা ভূমিকম্পীয় তথ্য বিশ্লেষণ কৰি অনুমান কৰা হৈছে মংগল গ্ৰহৰ পৃষ্ঠৰ তলত বিশাল জলাশয় আছে। ভূমিকম্পীয় তথ্যত মূলতঃ মংগল গ্ৰহত হোৱা কম্পনৰ পৰিমাণ লিপিবদ্ধ কৰা হয়। এই তথ্যৰ সহায়ত বিজ্ঞানীসকলে বিতং গৱেষণা কৰিছে।

তেওঁলোকে লগতে জনায় যে এসময়ত মংগল গ্ৰহত পানী আছিল। কিন্তু প্ৰায় ৩০০ কোটি বছৰ আগতে সেয়া মংগল গ্ৰহৰ পৃষ্ঠৰ পৰা নোহোৱা হৈ গৈছিল। মংগল গ্ৰহৰ এই জলচক্ৰৰ ব্যাখ্যাত গৱেষক শ্বেন ৰাইট আৰু তেওঁৰ সহযোগীসকলেও জলবায়ু পৰিৱৰ্তনৰ ওপৰত গভীৰভাৱে পৰ্যবেক্ষণ কৰিছে। তাৰ ওপৰত ভিত্তি কৰি তেওঁলোকে দাবী কৰে যে মংগল গ্ৰহত এই পানীৰ উপস্থিতিয়ে প্ৰকৃততে মংগল গ্ৰহত প্ৰাণৰ অস্তিত্ব আৰু জলবায়ুৰ অৱস্থাৰ অস্তিত্বৰ ইংগিত দিয়ে।

লগতে পঢ়কঃ আদানীৰ বাবেই! বাংলাদেশলৈ ৰপ্তানিৰ বাবে নিৰ্মাণ কৰা আদানীৰ বিদ্যুৎকেন্দ্ৰৰ বিদ্যুৎ ভাৰততো বিক্ৰীৰ অনুমতি

উল্লেখ্য যে নাছাৰ এই লেণ্ডাৰ মিছন ২০১৮ চনত আৰম্ভ হৈছিল। ২০২২ চনত শেষ হৈছিল। চাৰি বছৰ ধৰি ই মূলতঃ মংগল গ্ৰহৰ কম্পনৰ মাত্ৰা, গতি প্ৰকৃতি সংক্ৰান্ত তথ্য লিপিবদ্ধ কৰিছে।