মুখ্য মন্ত্ৰী সৰ্বানন্দ সোণোৱালৰ নিৰাপত্তা বৃদ্ধি; বৰ্তমান ভি ভি আই পি জেদ প্লাছ শাখাৰ নিৰাপত্তা সোণোৱালৰ

মুখ্য মন্ত্ৰী সৰ্বানন্দ সোণোৱালৰ কাৰ্যালয়ৰ লগতে বাসগৃহৰ নিৰাপত্তা ব্যৱস্থা বৃদ্ধি কৰা হৈছে।

ইতিমধ্যে চাৰিগৰাকী ডি এছ পি পৰ্যায়ৰ আৰক্ষী বিষয়াক বদলি কৰি মুখ্য মন্ত্ৰী সোণোৱালৰ নিৰাপত্তা শাখালৈ বদলি কৰা হৈছে বুলি জানিব পৰা গৈছে।

উল্লেখযোগ্য যে, নতুনকৈ দায়িত্বভাৰ অৰ্পন কৰা বিষয়া কেইগৰাকীয়ে মুখ্য মন্ত্ৰী সোণোৱালৰ কাৰ্যালয়ৰ নিৰাপত্তা ব্যৱস্থাৰ তদাৰক কৰাৰ লগতে বাসগৃহৰো নিৰাপত্তাৰ দিশ সমূহ চোৱা-চিতা কৰিব।

মুখ্য মন্ত্ৰীৰ নিৰাপত্তা শাখালৈ বদলি কৰা শীৰ্ষ আৰক্ষী বিষয়া কেইগৰাকী হৈছে ডি এছ পি তিলেশ্বৰ শইকীয়া, বৈকুণ্ঠ কলিতা, মনোলোভা শইকীয়া আৰু সৌমাৰজ্যোতি ভূঞা।

অসমৰ মুখ্য মন্ত্ৰী হিচাপে দায়িত্বভাৰ গ্ৰহণ কৰিয়ে সোণোৱালে নিৰাপত্তা ব্যেষ্টনী হ্ৰাস কৰাৰ সিদ্ধান্ত গ্ৰহণ কৰিছিল যদিও পৰৱৰ্তী সময়ত সুৰক্ষাৰ খাতিৰত তেওঁৰ নিৰাপত্তা বৃদ্ধি কৰা হয়।

সোণোৱালে বৰ্তমান এন এছ জি কামাণ্ডোৰে পৰিবেষ্টিত ভি ভি আই পি জেদ প্লাছ শাখাৰ নিৰাপত্তা লাভ কৰি আছে।