ৰিপাব্লিক টিভি সাংবাদিকৰ ‘যৌন নিৰ্য্যাতন’ৰ গোচৰ: ‘পাল’ মাৰিছে আৰক্ষীয়ে?
নাৰী নিৰ্য্যাতনৰ বিৰুদ্ধে কঠোৰতা আৰু ফাষ্ট ত্ৰেক ক’ৰ্টৰ দৰে ব্যৱস্থাৰ কথা চৰকাৰে দোহাৰি থকাৰ পৰতে খোদ অসমৰ ৰাজধানীস্থিত দিচপুৰ আৰক্ষী থানাৰ বিৰুদ্ধেই অভিযোগ উঠিছে “নিৰ্য্যাতিতা”কে “বিপথে” পৰিচালিত কৰাৰ।
ৰিপাব্লিক টিভিৰ অসমৰ সংবাদদাতা অনিৰুদ্ধ ভকত চুতীয়াৰ বিৰুদ্ধে গুৱাহাটীৰে এগৰাকী সাংবাদিকে ৰুজু কৰা গোচৰ (৩৬৩৭/২০১৮) সন্দৰ্ভত নৰ্থ ইষ্ট নাও-এ চলোৱা অনুসন্ধানত পোহৰলৈ আহিছে এই ঘটনা।
ঘটনাৰ ৰাতি এজাহাৰ দাখিলৰ গোটেই প্ৰক্ৰিয়াটোত আৰক্ষীয়ে “পাল মৰা (casually)”, “বিপথে” পৰিচালিত কৰা আৰু ভাৰতীয় দণ্ডবিধিৰ ৩৫৪ ধাৰা (নাৰীৰ শালীনতা হানিৰ চেষ্টা)ৰ দৰে গুৰুতৰ অভিযোগ থকাৰ পিছতো দণ্ডাধীশৰ সন্মুখত আৰক্ষীয়ে জৱানবন্দী ৰেকৰ্দ নকৰাৰ অভিযোগো উত্থাপন কৰিছে মহিলাগৰাকীয়ে।
ঘটনাটোৰ তদন্তকাৰী বিষয়া বি ডেকায়ো অভিযোগকাৰীৰ জৱানবন্দী দণ্ডাধীশৰ সন্মুখত ৰেকৰ্দ নকৰাৰ কথা স্বীকাৰ কৰিছে। “দণ্ডাধীশৰ সন্মুখত তেওঁৰ জৱানবন্দী ৰেকৰ্দ কৰা হোৱা নাছিল। কিন্তু আমি তেওঁ (অভিযোগকাৰী)ক পিছদিনাও থানালৈ মাতি পঠিয়াইছিলো আৰু আমি তেওঁৰ জৱানবন্দী গ্ৰহণ কৰিছো,” নৰ্থ ইষ্ট নাও-ক জনালে ডেকাই।
আনহাতে ঘটনাৰ নিশা ১ ডিচেম্বৰতে আৰক্ষীয়ে আটক কৰা অভিযুক্ত সাংবাদিক ভকতক পিছদিনা মুকলি কৰি দিয়াৰ পিছতে তেওঁ অভিযোগকাৰী মহিলাগৰাকীৰ বিৰুদ্ধে একেখন থানাতে ভাৰতীয় দণ্ডবিধিৰ ৪৪৮, ২৯৪, ৩৫২ আৰু ৫০৬ ধাৰাৰ অধীনত ৩৬৪৪/২০১৮ নম্বৰৰ এক গোচৰ ৰুজু কৰিছে।
অৱশ্যে ঘটনাৰ ৰাতিয়ে স্বাস্থ্য পৰীক্ষা কৰোৱাৰ ব্যৱস্থা কৰিছিল মহিলাগৰাকীৰ।
You may also like
অঘৈয়া হুল
সোণোৱালৰ ‘আস্থা আৰু বিশ্বাসক’ প্ৰত্যাহ্বান গৰিমা শইকীয়া গাৰ্গৰ
অসমীয়া ৰাইজে মুখ্য মন্ত্ৰী সৰ্বানন্দ সোণোৱালক আস্থা আৰু বিশ্বাসত ল’বলৈ কোৱাৰ পাছতে তেওঁক ওভটি ধৰিছে জুবিন পত্নী গৰিমা শইকীয়া গাৰ্গ আৰু নাৰী…
হিন্দুত্ববাদী নেতা সত্যৰঞ্জন বৰাক আটক নগাওঁ আৰক্ষীৰ
হিন্দুত্ববাদী নেতা সত্যৰঞ্জন বৰাক আটক নগাওঁ আৰক্ষীৰ কামাখ্য মন্দিৰৰ মাটিৰ প্ৰসংগত বিতৰ্কিত মন্তব্য কৰা বিধায়ক আমিনুল ইছলামৰ ঘৰলৈ যোৱাৰ পথতেই আৰক্ষীয়ে আটক…
শুই থাকিল উবেৰৰ ড্ৰাইভাৰ; ২৮ বছৰীয়া এগৰাকী যুৱতী যাত্ৰীয়ে চলাই নিলে গাড়ী
মাজে মাজে অভিযোগ শুনা যায় কেব চালকসকলৰ অতপালিৰ বিষয়ে। বিশেষকৈ অকলশৰীয়া মহিলা যাত্ৰীক কেবৰ চালকে উদ্ভণ্ডালি কৰা বাতৰিয়ে মাজে মাজে সংবাদ মাধ্যমৰ…