শ্বাহৰুখ নে চলমান? গাড়ীৰ কালেকশ্যন কাৰ বেছি? কোনে ব্যৱহাৰ কৰে কি কি গাড়ী?

যদিও একেটা পৰিয়ালৰ নহয়, তথাপি শ্বাহৰুখ, ছলমান আৰু আমিৰ – এই তিনি খানক বলীউডত খান ট্ৰাইঅ’ বুলি জনা যায়। কিন্তু এই তিনিজনৰ ভিতৰত বলীউডৰ আটাইতকৈ শক্তিশালী অভিনেতা দুজন হ’ল ছলমান খান আৰু শ্বাহৰুখ খান। এই অভিনেতা দুজনৰ বিষয়ে যিমান ক’লেও কৈ শেষ নহব। 

আজি আমি আপোনালোকক জনাব খুজিছোঁ শ্বাহৰুখ আৰু ছলমানৰ গাড়ীৰ সংগ্ৰহৰ বিষয়ে কিছু সবিশেষ।

কোৱা বাহুল্য যে শ্বাহৰুখ আৰু ছলমান দুয়োজনেই কোটি কোটি সা-সম্পত্তিৰ গৰাকী। দুইজন অভিনেতাই একাধিক অট্টালিকাৰ মালিক হোৱাৰ উপৰিও এই দুগৰাকী তাৰকাই একাধিক বিলাসী গাড়ীৰ মালিক। 

প্ৰথমেই জানোঁ আহক শ্বাহৰুখ খানৰ কথা। শ্বাহৰুখ খানৰ কেইবাখনো বিলাসী গাড়ী আছে, ইয়াৰে আটাইতকৈ দামী গাড়ীখন হৈছে বুগাটি ভেয়ৰন। ১২ কোটি টকাৰ এই গাড়ীখন ষ্টাইলিছ আৰু ইয়াত কেইবাটাও উন্নত প্ৰযুক্তি আছে। লগতে শ্বাহৰুখ খানৰ আছে দুখন ৰ’লছ ৰয়েচ। ইয়াৰ এখনৰ দাম ১০ কোটি টকাৰ আৰু আনখন হৈছে ৭.৬০ কোটি টকাৰ।

ইয়াৰ উপৰিও শ্বাহৰুখৰ হাতত আছে ৪ কোটি টকাৰ ভেনিটি ভ্যান, ৩.৮৫ কোটি টকাৰ বেণ্টলি কন্টিনেণ্টেল জিটি, ২.৮২ কোটি টকাৰ বিএমডব্লিউ ৭ ছিৰিজ, ১.১৯ কোটি টকাৰ বিএমডব্লিউ ৬ ছিৰিজ, ২.১৯ কোটি টকাৰ লেণ্ড ৰভাৰ ৰেঞ্জ ৰভাৰ স্প’ৰ্ট গাড়ী। শ্বাহৰুখৰ হাতত থকা একেবাৰে সস্তীয়া গাড়ী দুখন হৈছে মিটছুবিচি পাজেৰো আৰু হুণ্ডাই ক্ৰেটা, যাৰ মূল্য ক্ৰমে ২৫ লাখ আৰু ১৭.৮৭ লাখ টকা।

এতিয়া জানো আহক ছলমান খানৰ গাড়ীৰ কালেকশ্যনৰ বিষয়ে। ভাইজানৰ আটাইতকৈ দামী গাড়ীখন হৈছে অ’ডি আৰ এছ ৭, যাৰ বজাৰ মূল্য ২.২০ কোটি টকা। ইয়াৰ উপৰিও ছলমানৰ সংগ্ৰহত ১.৬০ কোটি টকাৰ মাৰ্চিডিজ এছ ক্লাছ, ১.২০ কোটি টকাৰ মাৰ্চিডিজ বেঞ্জ এএমজি, ৭৯.৭৮ লাখ টকাৰ মাৰ্চিডিজ বেঞ্জ জিএল আছে।

ছলমানৰ আছে ১.৫০ কোটি টকাৰ পৰ্ছে কেয়েন টাৰ্বো, ১.১৮ কোটি টকাৰ ৰেঞ্জ ৰভাৰ ভোগ আৰু ৮৮ লাখ টকাৰ নিছান পেট্ৰ’ল। ভাইজানৰ সংগ্ৰহৰ আটাইতকৈ সস্তা গাড়ীখন হৈছে ৩৫ লাখ টকাৰ লেক্সাছ এল এক্স।