গুৱাহাটীত নাই শ্যামকানু! অজ্ঞাত স্থানৰ পৰা ফেচবুকত ভিডিঅ’ত কথা সলালে শ্যামকানু মহন্তই

অসমবাসীয়ে শ্যামকানু মহন্তক বিচাৰি থকাৰ সময়তে ফেচবুকত এটা ভিডিঅ’ আপলোড কৰি নিজকে ধোৱা তুলসীৰ পাত সজাবলৈ চেষ্টা কৰিছে শ্যামকানু মহন্তই।  

উক্ত ভিডিঅ’টোত নিজৰ গাৰ দোষ গুচাবলৈ চেষ্টা কৰে শ্যামকানুৱে। মৃত্যুৰ ভাবুকি থকাৰ বাবে অসমলৈ অহা নাই বুলিও প্ৰকাশ কৰে শ্যামকানু মহন্তই।

উল্লেখ্য যে যোৱা ২০ ছেপ্টেম্বৰত পিটিআইক দিয়া এক বিবৃতিত শ্যামকানু মহন্তই জুবিন গাৰ্গ নৰ্থ-ইষ্ট ফেষ্টিভেলত অংশ ল’বলৈ নহয়, জিৰণি ল’বলৈহে ছিংগাপুৰলৈ আহিছিল বুলি কৈছিল।

মহন্তৰ উদ্ধৃতিৰে পিটিআইৰ প্ৰতিবেদনত লিখা হৈছিল—“ জুবিনে আয়োজক দলটোক কৈছিল যে তেওঁ ছিংগাপুৰলৈ যাব বিচাৰে আৰু আমি তেওঁৰ হোটেলত থকাৰ ব্যৱস্থা কৰিলোঁ।”

কিন্তু, আজি শ্যামকানু মহন্তই দাবী কৰে যে জুবিনক ছিংগাপুৰলৈ আহিব নেকি বুলি সোধাত জুবিনে সন্মতি দি কৈছিল যে তেওঁ ভাতৃ সন্দিপন গাৰ্গ আৰু মেনেজাৰ সিদ্ধাৰ্থ শৰ্মাৰ সৈতে তেওঁ ছিংগাপুৰলৈ যাব।

মহন্তই লগতে কয় যে তেওঁৰ বিৰুদ্ধে প্ৰচাৰ চলাই তেওঁৰ ভাবমূৰ্তি বিনষ্ট কৰাসকলৰ বিৰুদ্ধে ন্যায় বিচাৰি আদালতলৈ যাব।