অসমত সুকীয়া ভূমি আইন প্ৰণয়নৰ দাবীত সংগ্ৰামী যুৱ ছাত্ৰ পৰিষদৰ অৱস্থান ধৰ্মঘট
অসমৰ খিলঞ্জীয়া জাতি-জনগোষ্ঠীসমুহৰ ভূমি অধিকাৰ সাব্যস্তকৰণৰ বাবে এখন সুকীয়া ভূমি আইন প্ৰণয়নৰ দাবীত আজি ৬ ডিচেম্বৰ বৃহস্পতিবাৰে সংগ্ৰামী যুৱ-ছাত্ৰ পৰিষদ, অসমৰ শিৱসাগৰ জিলা সমিতিয়ে শিৱসাগৰ জিলা উপায়ুক্ত কাৰ্য্যালয়ৰ সন্মুখত ৩ ঘণ্টীয়া অৱস্থান ধৰ্মঘট পালন কৰে। সংগঠনটোৱে তেওঁলোকৰ দাবী সম্বলিত জিলা উপায়ুক্তৰ জৰিয়তে মুখ্যমন্ত্ৰীলৈ প্ৰেৰণ কৰে।
সংগঠনটোৰ সভাপতি বিজয় কৃষ্ণ দুৱাৰা আৰু সাধাৰণ সম্পাদক অৰূপ বৰুৱাই কয় যে, অসমত বৰ্তমান প্ৰচলিত ভূমি নীতিত বহু সুৰুঙা আৰু দূৰ্বলতা থকাৰ বাবে খিলঞ্জীয়াই অস্তিত্ব হেৰুৱাই পেলাইছে আৰু ফলত ঘৰতে অঘৰী হোৱাৰ সম্ভৱনা প্ৰকট হৈ পৰিছে।
বহু চৰ্চিত ৰাষ্ট্ৰীয় নাগৰিকপঞ্জীৰ জৰিয়তে অসম আৰু অসমীয়াৰ ভৱিষ্যত সুৰক্ষিত হ’ব বুলি ভৱা হৈছিল যদিও ক্ৰমান্বয়ে ইয়ো কাগজৰ বাঘত পৰিণত হোৱাহে দেখা গৈছে।
সেইবাবে এই জটিল সন্ধিক্ষণত এখন সুকীয়া স্পষ্ট ভূমি আইনৰ জৰিয়তেহে খিলঞ্জীয়া অসমীয়াৰ অধিকাৰসমুহ ৰক্ষা কৰিব পৰা যাব। এই আইনখন ১৯৫১ চনক ভিত্তি বৰ্ষ হিচাপে লৈ প্ৰতিস্থিত হ’ব লাগে বুলি দাবী উত্থাপন কৰে সংগ্ৰামী যুৱ-ছাত্ৰ পৰিষদ অসমৰ শিৱসাগৰ জিলা সমিতিয়ে।
You may also like
সাৱধান; সন্মুখত এইবাৰ বেংক একাউন্ট হেক হোৱাৰ বিপদ
আপুনি শুনি আচৰিত হ’ব যে যোৱা কিছু দিনৰ পৰাই WhatsAppৰ একাউন্ট হেক হোৱা বাতৰিয়ে সমগ্ৰ দেশতে চাঞ্চল্যৰ সৃষ্টি কৰিছে। কিন্তু আটাইতকৈ গুৰুত্বপূৰ্ণ…
তেজপুৰ ডিটেনশ্যন কেম্পত আটকাধীন ব্যক্তিৰ ৰহস্যজনক পৰিস্থিতিত মৃত্যু
পেটে-ভাতে খাই থকা এগৰাকী ব্যক্তিৰ তেজপুৰ ডিটেনশ্যন কেম্পত আটকাধীন অৱস্থাত মৃত্যু ঘটিছে।চৰকাৰৰ নিৰ্দেশত সীমা আৰক্ষী আৰু ভাৰতীয় নিৰ্বাচন আয়োগে মাজে মাজে একপক্ষীয়ভাৱে…
বৰাক নদীত উদ্ধাৰ সন্ধানহীন হৈ থকা শিলচৰৰ ছাত্ৰৰ মৃতদেহ; হত্যাৰ সন্দেহ
নৱবৰ্ষৰ দিনা নিৰুদ্দেশ হৈছিল শিলচৰ জিচি কলেজৰ কলা বিভাগৰ ছাত্ৰ পূৰ্ণচন্দ্ৰ বৰ্মন। হোৱাৰ এসপ্তাহৰ ধৰি নিৰুদ্দেশ হৈ আছিল ছাত্ৰগৰাকী। এসপ্তা্হৰ পিছত এতিয়া…
এন পি পি যদি গণমুখী হ’লহেঁতেন তেন্তে বিজেপিৰ সৈতে হাত মিলাই নাথাকিলহেঁতেন : টিএমচিৰ নেতা এন্ড্ৰিউ ছুল্লাই
এন পি পি আৰু বিজেপিৰ ভিতৰুৱা মিত্ৰতা উদঙাই দি বৃহস্পতিবাৰে মেঘালয় তৃণমূল কংগ্ৰেছৰ নেতা এন্ডিউ ছুল্লাই–এ কয় যে এন পি পিয়ে বিজেপিৰ…