জুবিন গাৰ্গে মোক আহ্বান জনাব নালাগে, মোৰ নিজৰ মগজু আছে মোৰ মগজুৰে কাম কৰিম : কণ্ঠশিল্পী বিদ্যা সাগৰ

নাগৰিকত্ব সংশোধনী বিধেয়ক বাতিলৰ প্ৰতিবাদত এতিয়া প্ৰতিদিনেই জ্বলিছে সমগ্ৰ ৰাজ্য। ৰাজ্যৰ বিভিন্ন দল-সংগঠনে বিধেয়ক বাতিলৰ দাবীত গঢ়ি তুলিছে তীব্ৰ প্ৰতিবাদ।

ইয়াৰ মাজতে আজি হাজোৰ এক অনুষ্ঠানত অংশ গ্ৰহণ কৰি নাগৰিকত্ব বিধেয়কক লৈ কণ্ঠশিল্পী বিদ্যা সাগৰে কৰা এক মন্তব্যই তীব্ৰ চাঞ্চল্যৰ সৃষ্টি কৰিছে।

কণ্ঠশিল্পী গৰাকীয়ে সাংবাদিকৰ আগত কয়ে যে, “আমি এটা ভাল পৰিৱেশত গীত গাবলৈ পাব লাগে সেইটো কেব গৃহীত হৈ হওক বা নাকচ হওক সেইটো আমাৰ কথা নাই।”

আনহাতে জুবিন গাৰ্গৰ আহ্বানৰ প্ৰতি সঁহাৰি জনোৱাৰ কথা সাংবাদিকে সোধাত বিদ্যা সাগৰে কয় যে, “জুবিন গাৰ্গে মোক আহ্বান জনাব নালাগে। মোৰ নিজৰ মগজু আছে মই মোৰ মগজুৰে কাম কৰিম।’

লগতে কয় যে জুবিন গাৰ্গে কৰিছে সেইটো জুবিন গাৰ্গৰ নিজৰ ব্যক্তিগত কথা। আমি গান গোৱা মানুহ গান গাব লাগে।

উল্লেখযোগ্য যে “কেব বাতিল হ’বই লাগিব, কোনো কাৰণতেই কেব গৃহীত হ’ব নোৱাৰে, কেব বাতিলক লৈ মই লাগি আছো” বুলি মতপ্ৰকাশ কৰিছিল জুবিন গাৰ্গে।  লগতে ৩০ নৱেম্বৰত কটনৰ শিক্ষাৰ্থীসকলে কেবৰ বিৰুদ্ধে জোঁৰ সমদল উলিয়াব। সকলোকে ওলাই আহিবলৈ আহ্বান জনাইছিল জুবিন গাৰ্গে।