আতংকৰ মাজতে পঢ়ক কৰ’নাভাইৰাছ সম্পৰ্কীয় এইকেইটা ভাল খবৰ

কৰ’নাভাইৰাছে বিশ্বজুৰি আতংকৰ সৃষ্টি কৰাৰ মাজতে আহিছে কিছু ভাল খবৰ।

আমি আপোনালোককৈ কৰ’নাভাইৰাছ সম্পৰ্কীয় শেহতীয়া কেইটামান ভাল খবৰ আগবঢ়াইছো।

১. কৰ’নাভাইৰাছৰ উৎপত্তি হৈছিল চীনৰ উহান চহৰত। চহৰখনত তিনি হাজাৰৰো অধিক লোক এই ৰোগত মৃত্যু মুখত পৰিছে। কিন্তু চহৰখনত নতুনকৈ কৰ’নাভাইৰাছত আক্ৰান্ত হোৱা লোকৰ সংখ্যা হ্ৰাস পাইছে।

২. ভাৰতৰ চিকিৎসকসকলে কৰ’নাভাইৰাছ আক্ৰান্তৰ চিকিৎসাত সফল হোৱা বুলি দাবী কৰিছে।

৩. নেডাৰলেণ্ডৰ গৱেষকসকলে কৰ’নাভাইৰাছৰ বিৰুদ্ধে এটি এণ্টিবডি পোৱাৰ দাবী কৰিছে।

৪. কৰ’নাভাইৰাছে সৃষ্টি কৰা পৰিস্থিতি উন্নত হোৱাৰ বাবে চীনত এপলে তাৰ ৪২টা ষ্ট’ৰ পুনৰ মুকলি কৰিছে।

৫. আমেৰিকাৰ ক্লিভলেণ্ড ক্লিনিকত কৰ’নাভাইৰাছৰ ওপৰত পৰীক্ষা চলি আছে। গৱেষকসকলে কেইদিনমান নহয়, কেইঘণ্টামানৰ ভিতৰতে ফলাফল দিব পৰা দৰৱৰ সন্ধান কৰি আছে।

৬. দক্ষিণ কোৰিয়াত নতুনকৈ কৰ’নাভাইৰাছত আক্ৰান্তৰ সংখ্যা হ্ৰাস পাইছে।

৭. বিশেষজ্ঞসকলে কৈছে যে ইউৰোপৰ দেশসমূহৰ ভিতৰত ইটালিত বয়সস্থ মানুহৰ সংখ্যা বেছি হোৱাৰ বাবেই তাতে আক্ৰান্তৰ সংখ্যাও সৰ্বাধিক।

৮. ইজৰাইলত কৰ’নাভাইৰাছৰ ওপৰত ব্যাপক গৱেষণা চলি আছে। বিজ্ঞানীসকলে যিকোনো মুহূৰ্ততে ভাল খবৰ আনিব পাৰে। ভাৰতকে ধৰি আন বহুকেইখন দেশতো পূৰ্ণগতিত গৱেষণা চলি আছে।

৯. আমেৰিকাৰ মেৰিলেণ্ডত তিনিজন কৰ’নাভাইৰাছ আক্ৰান্ত সম্পূৰ্ণ সুস্থ হৈ উঠিছে।

১০. চীনৰ উহান চহৰত এগৰাকী ১০৩ বছৰীয়া বৃদ্ধা মাত্র ৬ দিনৰ চিকিৎসাতে কৰ’নাভাইৰাছৰ পৰা আৰোগ্য লাভ কৰিছে।