লিভাৰটো পৰিস্কাৰ কৰিবলৈ ৰাতি শোৱাৰ আগত নিতৌ খাওক এইবিধ আয়ুৰ্বেদিক দৰৱ

যকৃত বা লিভাৰ আমাৰ শৰীৰৰ এক অতি গুৰুত্বপূৰ্ণ অংগ। ইয়াক শৰীৰৰ শক্তিঘৰ বা মূল ফিল্টাৰ বুলিও ক’ব পাৰি। যকৃতে তেজৰ পৰা বিষাক্ত পদাৰ্থ (যেনে এলকহল, ঔষধৰ পৰা বিপাকীয় আৱৰ্জনা, ৰাসায়নিক পদাৰ্থ) ফিল্টাৰ কৰি শৰীৰৰ পৰা বাহিৰ কৰি দিয়ে।

যদি যকৃতে ভালদৰে কাম নকৰে তেন্তে এই বিষাক্ত পদাৰ্থ শৰীৰত জমা হৈ বিভিন্ন ৰোগৰ সৃষ্টি কৰিব পাৰে।

দৈনন্দিন ভাষাত যকৃতক স্বাভাৱিকভাৱে কাম কৰি ৰখাত সহায়ক হোৱা কামবোৰ কৰিলে তাক লিভাৰ ডিটক্সিফিকেশন বোলা হয়।

আয়ুৰ্বেদত যকৃতক সুস্থ কৰি ৰাখিবলৈ আৰু শৰীৰৰ প্ৰাকৃতিক বিষমুক্তকৰণৰ বাবে বিভিন্ন বনৌষধি আৰু পানীয়ৰ কথা উল্লেখ আছে। তেনে এটা পানীয় হ’ল ত্ৰিফলা পানী। এই পানীয় ৰাতি শোৱাৰ আগতে সেৱন কৰিব লাগে।

ত্ৰিফলা কি?

ত্ৰিফলা হৈছে তিনিটা ফল (আমলখি, শিলিখা আৰু অমৰা) ৰ শুকান গুড়িৰ মিশ্ৰণ। আয়ুৰ্বেদত ই এক অতি গুৰুত্বপূৰ্ণ উপাদান যিয়ে শৰীৰ পৰিষ্কাৰ কৰাত সহায় কৰে, হজম শক্তি বৃদ্ধি কৰে, আৰু সামগ্ৰিক স্বাস্থ্য উন্নত কৰে।

ৰাতি ত্ৰিফলা পানীয় বনোৱাৰ পদ্ধতি-

* একাপ পানী গৰম কৰক।

* ইয়াত ১/২ৰ পৰা ১ চামুচ ত্ৰিফলা গুড়ি মিহলাই লওক।

* ভালদৰে লৰাই ৫-১০ মিনিট ঢাকি দিব যাতে গুড়িখিনি পানীৰ লগত ভালদৰে মিহলি হ’ব পাৰে।

*যেতিয়া মিশ্ৰণটো অলপ ঠাণ্ডা হ’ব তেতিয়া চেকি লওক আৰু ৰাতি শোৱাৰ আগতে পান কৰক। ইয়াক চেকি নোলোৱাকৈ পান কৰিলেও ইয়াৰ আঁহৰ সুফল পোৱা যায়, কিন্তু অশুদ্ধিৰ পৰা হাত সাৰিবলৈ চেকি লোৱাটো ভাল।গৰ্ভৱতী মহিলা, ডায়েৰিয়াত আক্ৰান্ত লোক, বা জ্বৰত ভোগা লোকে ত্ৰিফলা গ্ৰহণ কৰাৰ আগতে আয়ুৰ্বেদিক চিকিৎসকৰ পৰামৰ্শ নিশ্চয় ল’ব লাগে।