১৫ বছৰীয়া কিশোৰীক বিয়া কৰি কাৰাগাৰৰ আলহী শিক্ষক

সমাজ সংস্কাৰ, সমাজ সচেতনতাৰ মূল প্ৰভাৰী শিক্ষকেই লিপ্ত হ’ল আইন বিৰোধী কামত। বৰপেটাৰ কলগছীয়াৰ এজন শিক্ষকে সন্মানীয় শিক্ষক বৃত্তিত লগাইছে চেকা।

বৰপেটাৰ কলগছীয়াত এজন শিক্ষকে এগৰাকী ১৫ বছৰীয়া কিশোৰীক বিয়া কৰাই ৰঙা ঘৰৰ আলহী হ’বলগীয়া হৈছে।

আৰক্ষীয়ে ইতিমধ্যে অভিযুক্ত শিক্ষকজনক গ্ৰেপ্তাৰ কৰিছে। উল্লেখ্য যে গ্ৰেপ্তাৰ হোৱা শিক্ষকজন পূৰ্বে বিবাহিত আৰু দুটা সন্তানৰো পিতৃ।

অভিযুক্ত শিক্ষক জনক ভোলা চন্দ্ৰ বিশ্বাস বুলি চিনাক্ত কৰা হৈছে। ইতিমধ্যে আৰক্ষীয়ে কিশোৰীগৰাকীক উদ্ধাৰ কৰিছে।

ভোলা চন্দ্ৰ বিশ্বাস সোনাবাৰী এলপি বিদ্যালয়ৰ এজন শিক্ষক হিচাপে কৰ্মৰত।

তেওঁ নিজৰ অপৰাধ স্বীকাৰ কৰিছে আৰু কয় যে যোৱা দুবছৰ ধৰি নাবালক ছোৱালীজনীৰ সৈতে তেওঁৰ গোপন বিবাহ বহিৰ্ভূত সম্পৰ্ক আছে।

শিক্ষক বিশ্বাসে কিশোৰীগৰাকীক বিয়া কৰাবলৈ কলগছীয়াৰ পৰা লৈ গৈছিল। পৰিকল্পনা অনুসৰি তেওঁ কিশোৰীগৰাকীক এটা মন্দিৰত বিয়া কৰাইছিল আৰু কিছু দিন লুকাই আছিল।

“ছোৱালীজনী সোনাবাৰীৰ পৰা আহিছে। তাইৰ ঘৰটো আমাৰ বিদ্যালয়ৰ সন্মুখত অৱস্থিত। তাইৰ বয়স ১৬ বছৰ। মই ভাবো তাইৰ মাক দেউতাকে তাইৰ প্ৰকৃত বয়স ঢাকি ৰাখে। যোৱা দুবছৰ ধৰি তাইৰ সৈতে মোৰ সম্পৰ্ক আছে।” অভিযুক্তজনে কোনো অনুশোচনা অবিহনে সংবাদ মাধ্যমৰ আগত কয়।

ইফালে, স্থানীয় ৰাইজে অভিযুক্ত শিক্ষকজনক উপযুক্ত শাস্তি দাবী কৰিছে।