Teacher Transfer Portal: ৰাজ্যত মুকলি হ’ল শিক্ষকৰ বদলিকৰণৰ পৰ্টেল, কেনেকৈ কৰিব আবেদন?সৱিশেষ

বদলিৰ বাবে এতিয়া আৰু ৰাজ্যৰ কোনো শিক্ষকেই গুৱাহাটীলৈ তাঁত-বাতি কাঢ়িব নালাগে।

ৰাজ্যৰ শিক্ষা বিভাগে আজি শিক্ষকৰ বদলিকৰণৰ বাবে মুকলি কৰিলে এক বিশেষ প’ৰ্টেল।

এই প’ৰ্টেলৰ জৰিয়তেই প্ৰাথমিক বিদ্যালয়ৰ পৰা আৰম্ভ কৰি ছিনিয়ৰ ছেকেণ্ডাৰী স্কুলৰ শিক্ষক-শিক্ষয়িত্ৰীয়ে বদলিৰ বাবে নাম পঞ্জীয়ন কৰিব পাৰিব।

শিক্ষা বিভাগে শিক্ষকৰ বদলিকৰণৰ বাবে মুকলি কৰা এই প’ৰ্টেলৰ নাম হৈছে “Teacher Transfer Management System” চমুকৈ TTMS।

নিজৰ পচন্দৰ ঠাইলৈ বদলি হ’ব বিচৰা শিক্ষক-শিক্ষয়িত্ৰীয়ে এই প’ৰ্টেলৰ জৰিয়তে ১০ ডিচেম্বৰৰ ভিতৰত আবেদন কৰিব পাৰিব।

অৰ্থাৎ আবেদনৰ অন্তিম দিন হৈছে ১০ ডিচেম্বৰ।

বদলিৰ বাবে আবেদন কৰিব বিচৰা শিক্ষক-শিক্ষয়িত্ৰীসকলে

https://hrmsassam.in ৱেৱচাইটলৈ গৈ পঞ্জীয়ন আৰু আবেদন কৰিব পাৰিব।

কিদৰে কৰিব বদলিৰ আবেদন?

নিজৰ পচন্দৰ ঠাইলৈ বদলি বিচৰা শিক্ষক-শিক্ষয়িত্ৰীসকলে TTMS প’টেলত নিৰ্দিষ্ট সময়ৰ ভিতৰত পঞ্জীয়ন আৰু চাকৰি সম্পৰ্কীয় তথ্য আদি আপলোড কৰিব লাগিব।

শিক্ষক-শিক্ষয়িত্ৰীসকলে তেওঁলোকৰ চাকৰিৰ সবিশেষ তথ্য আপলোড কৰাৰ পিছতহে তেওঁলোকে বদলিৰ বাবে আগ্ৰহী পচন্দৰ ঠাইৰ কথা উল্লেখ কৰাৰ সুবিধা পাব।

অনলাইন যোগে বদলিৰ আবেদন কৰিবলৈ এই কেইটা কাম কৰিব লাগিব—

(যিহেতু প’টেলটোৰ এনে স্তৰ সমূহ ইংৰাজীতে চিহ্নিত কৰা হৈছে সেয়ে সেইবোৰ ইংৰাজীতে উল্লেখ কৰা হ’ল)।
প্ৰথমে https://hrmsassam.in ৱেবচাইটলৈ যাওঁক।

# প’ৰ্টেলৰ সোঁপিনে ওপৰত থকা “Create Account” button ত ক্লিক কৰক।

# সৱিশেষ সন্নিবিষ্ট কৰক- নাম, ইমেইল আইডি, লিং, জন্মৰ তাৰিখ, মোবাইল ফোনৰ নম্বৰ অন্তৰ্ভুক্ত কৰক।এটা password বাচি লওঁক আৰু submit buttonটো টিপক।

# ইয়াৰ পিছত পুনৰ TTMS portal খুলিলৈ Login buttonটো টিপক ।

# Login কৰাৰ পিছত আপুনি ১১ টা বিশেষ বিষয়ৰ তথ্য সন্নিবিষ্ট কৰিব লাগিব। সেইবোৰ হ’ল—
# বিদ্যালয়ৰ সৱিশেষ
# ব্যক্তিগত বিষয়ৰ সৱিশেষ।
# শিক্ষাগত অৰ্হতা।
# অন্যান্য অৰ্হতা।
# চাকৰিৰ সৱিশেষ।
# Salary Accounts আৰু অন্যান্য বিভাগীয় Accountৰ সৱিশেষ।
# চাৰ্ভিছ ৰেকৰ্ড।
# বঁটা আদি লাভ কৰিছে যদি তাৰ তথ্য।
# পদোন্নতিৰ তথ্য।
# অন্যান্য তথ্য।
# এই সন্দৰ্ভত যাৱতীয় নথি আদি আপলোড কৰিব লাগিব।
শেষত প্ৰ-পত্ৰ খন ছাবমিট কৰক।
কি কি নথিৰ প্ৰয়োজন হ’ব?
বদলিৰ বাবে ইচ্ছুক শিক্ষক-শিক্ষয়িত্ৰীসকলে উল্লেখ কৰা এই নথি সমূহ বাধ্যতামূলক ভাবে আপলোড কৰিব লাগিব—
# TETৰ মাৰ্কশ্বিট আৰু প্ৰমাণপত্ৰ।
# D. El Ed. বা B. Ed ৰ মাৰ্কশ্বিট।
# HSSLC ৰ মাৰ্কশ্বিট
# স্নাতকৰ মাৰ্কশ্বিট।
# জন্মৰ প্ৰমাণপত্ৰ।
# নিয়োগ পত্ৰ।

অৱশ্যে ২০০১ চনৰ ৩ ছেপ্তেম্বৰৰ পূৰ্বে যোগদান কৰা শিক্ষক-শিক্ষয়িত্ৰীসকলৰ বাবে TETৰ মাৰ্কশ্বিট আৰু প্ৰমাণপত্ৰ,D. El Ed. বা B. Ed ৰ মাৰ্কশ্বিট আপলোড কৰাটো বাধ্যতামূলক নহয়।

নথি-পত্ৰৰ আকাৰ কেনে হ’ব লাগিব?

# আপলোড কৰা যাৱতীয় নথি-পত্ৰৰ আকাৰ 300KB তকৈ অধিক হ’ব নালাগিব।

ফটো আৰু স্বাক্ষৰ

বদলি হ’বলৈ বিচৰা শিক্ষক-শিক্ষয়িত্ৰীয়ে তেওঁৰ এখন স্পষ্ট ফটো আৰু স্কেন কৰা স্বক্ষৰ আপলোড কৰিব লাগিব।

ফটো আৰু স্বাক্ষৰৰ আকাৰ 50 KB তকৈ অধিক হ’ব নালাগিব।

তথ্য আপলোড, পঞ্জীয়ন, আবেদনৰ আৰম্ভনি তাৰিখ ২২ নৱেম্বৰ, ২০২১।

তথ্য আপলোড, পঞ্জীয়ন, আবেদনৰ শেষ তাৰিখ ১০ ডিচেম্বৰ, ২০২১।

হেল্পলাইন ৱেৱচাইট আৰু ফোন নম্বৰ— ttmscare@gmail.com বা 18003453586