চি আৰ পি এফ দলৰ ওপৰত উগ্ৰপন্থীৰ আক্ৰমণ; এজন জোৱান ছহিদ আৰু এটি শিশুৰ মৃত্যু

জম্মু-কাশ্মীৰৰ অনন্তনাগত আজি এটা চি আৰ পি এফ বাহিনীৰ দলত উগ্ৰপন্থীয়ে আক্ৰমণ কৰা ঘটনাই দেশজুৰি প্ৰতিক্ৰিয়াৰ সৃষ্টি হৈছে।

উগ্ৰপন্থীৰ এই আক্ৰমণত চি আৰ পি এফৰ এজন জোৱান ছহিদ হোৱাৰ লগতে এটি শিশুৰো মৃত্যু ঘটে।

এই পৰ্যন্ত ছহিদ জোৱানজন আৰু শিশুটিৰ পৰিচয় লাভ কৰিব পৰা নাই।

প্ৰাৰম্ভিক তথ্যৰ পৰা জানিব পৰা মতে, চি আৰ পি এপৰ এই দলটো অনন্তনাগৰ বিজবেহৰাত ৰাষ্ট্ৰীয় ঘাইপথৰ সুৰক্ষাত নিযোজিত আছিল।

এই আক্ৰমণৰ ঘটনাৰ পিছতে চি আৰ পি এফ তথা নিৰাপত্তাৰক্ষীয়ে অঞ্চলটো ঘেৰি ধৰি উগ্ৰপন্থী সদস্য কেইজনৰ সন্ধানত অভিযান আৰম্ভ কৰিছে।

উল্লেখ্য যে, সেনা বাহিনীয়ে জম্ম-কাশ্মীৰ উপত্যকাত বিগত কিছু দিনৰ পৰা উগ্ৰপন্থীৰ বিৰুদ্ধে কঠোৰ ব্যৱস্থা গ্ৰহণ কৰা পৰিলক্ষিত হৈছে। দৈনিক নিৰাপত্তৰক্ষী বাহিনীৰ গুলীত নিহত হৈ আছে উগ্ৰপন্থী।

কাশ্মীৰ ঘাটিত উগ্ৰপন্থীৰ কাৰ্যকলাপ সম্পূৰ্ণৰূপে স্তব্ধ কৰি দিয়াৰ পৰিপ্ৰেক্ষিততে আজি চি আৰ পি এফৰ দলটোক এইদৰে আক্ৰমণ কৰে বুলি ধাৰণা কৰা হৈছে।