২০২৫ চনৰ অৰ্থনীতিৰ নোবেল বঁটা ঘোষণা : কোনে কোনে লাভ কৰিলে এই বিৰল সন্মান?
সোমবাৰএ ঘোষণা কৰা হ’ল ২০২৫ চনৰ অৰ্থনীতিৰ নোবেল বঁটা। তিনিজন অৰ্থনীতিবিদ ক্ৰমে জোৱেল মকিৰ, ফিলিপ আঘিয়ন আৰু পিটাৰ হাউইটক প্ৰদান কৰা হৈছে এই বঁটা।
ৰয়েল ছুইডিছ একাডেমী অৱ চাইন্সে জনোৱা মতে, এই তিনিওজন অৰ্থনীতিবিদে অৰ্থনৈতিক উন্নয়নৰ নতুন ব্যাখ্যা আগবঢ়াইছে।
জোৱেল মকিৰ হৈছে আমেৰিকাৰ নৰ্থৱেষ্টাৰ্ণ ইউনিভাৰ্চিটিৰ প্ৰবক্তা। প্ৰযুক্তিৰ বিকাশৰ দ্বাৰা বহনক্ষম উন্নয়নৰ প্ৰয়োজনীয় দিশবোৰ চিনাক্ত কৰাৰ বাবে তেখেতক এই সন্মান প্ৰদান কৰা হৈছে।
দ্য লণ্ডন স্কুল অৱ ইকনমিক্স এণ্ড পলিটিকেল ছায়েন্সৰ প্ৰবক্তা ফিলিপ আঘিয়ন আৰু আমেৰিকাৰ ব্ৰাউন ইউনিভাৰ্চিটিৰ পিটাৰ হাউইট দুয়োজনকে সৃষ্টিশীল ধ্বংসৰ দ্বাৰা বিকাশৰ তত্ত্বৰ বিষয়ে আলোচনা আগবঢ়াৱাৰ বাবে এই বঁটা প্ৰদান কৰা হৈছে।
ৰয়েল ছুইডিছ একাডেমী অৱ চাইন্সে কয় যে তিনিওজন অৰ্থনীতিবিদে নতুন প্ৰযুক্তিয়ে কেনেকৈ উন্নয়ন ত্বৰান্বিত কৰিব পাৰে তাক দেখুৱাই দিছে।