পুনৰ এবাৰ ভাৰতীয় দলৰ হৈ খেলাৰ সপোন পুহি ৰাখিছে ৰবিন উথাপ্পাই
ভাৰতীয় ক্ৰিকেটৰ অভিজ্ঞ ক্ৰিকেটাৰ ৰবিন উথাপ্পাই ভাৰতীয় দলৰ হৈ পুনৰ এবাৰ খেলাৰ যি সপোন সেয়া সজীৱ হৈ আছে বুলি উল্লেখ কৰিছে।
এই সন্দৰ্ভত তেওঁ কয় যে যদিহে আই পি এলৰ আগন্তুক ছিজনত ভাল প্ৰদৰ্শন কৰিব পাৰো তেন্তে ৰাষ্ট্ৰীয় দলৰ হৈ খেলাৰ সুযোগ পাব পাৰো।
উথাপ্পাই শেষবাৰৰ বাবে ভাৰতীয় দলৰ হৈ ২০১৫ বৰ্ষত জিম্বাবেৰ বিৰুদ্ধে খেলিছিল।
২০২০ বৰ্ষৰ আই পি এলত উথাপ্পাই ৰাজস্থান ৰয়েলছৰ হৈ খেলিব।
আক্ৰমক বেটছমেন উথাপ্পাই কয়, ‘মই সদায় পজিটিভ থাকো আৰু নিগেটিভ সময়তো মই আশাৰ পোহৰ দেখো। মই ভাবো ভগৱানৰ ইচ্ছাত পুনৰ এবাৰ ভাৰতীয় দলক প্ৰতিনিধিত্ব কৰিব পাৰিম’।
তেওঁ লগতে কয়, ‘যিসকল খেলুৱৈয়ে প্ৰতিযোগিতামূলক ক্ৰিকেট খেলে সেই সকলোবোৰ ক্ৰিকেটাৰেই নিজৰ দেশৰ হৈ খেলিব ইচ্ছা কৰে। সেয়ে মই এতিয়াও সপোন পুহি ৰাখিছো’।
উল্লেখ্য যে ২০০৬ চনত ইংলেণ্ডৰ বিৰুদ্ধে অভিষেক ঘটিছিল ৰবিন উথাপ্পাৰ। ভাৰতৰ হৈ তেওঁ ৪৬ খন এদিনীয়া আৰু ১৩ খন আন্তঃৰাষ্ট্ৰীয় মেচ খেলিছিল।
আই পি এলত তেওঁ ১৭৭ খন মেচত অংশ লৈ ৪ হাজাৰৰো অধিক ৰান সংগ্ৰহ কৰিছে।
You may also like
বিশ্বনাথত ছাত্ৰ সংগঠনৰ কেইবাজনো সদস্যৰ বিজেপিত যোগদান
কা-বিৰোধী আন্দোলনত ব্যাপক হাৰত ছাত্ৰ সংগঠন জড়িত হৈ অহাৰ সময়তে বিশ্বনাথত সংগ্ৰামী যুৱ ছাত্ৰ পৰিষদ নামৰ এটা ছাত্ৰ সংগঠনৰ কেইবাজনো সদস্যই আজি…
মুম্বাই আৰক্ষীত ক’ৰ’নাৰ সংহাৰ; এই পৰ্যন্ত ১৯০৮ গৰাকী কৰ্মী আক্ৰান্ত
ভাৰতত দ্ৰুত গতিত বৃদ্ধি পাবলৈ ধৰিছে ক’ৰ’না ভাইৰাছৰ সংহাৰ। যোৱা কিছু দিনৰ পৰা দেশৰ বিভিন্ন প্ৰান্তত তীব্ৰ হাৰত বৃদ্ধি পাই আছে ক’ৰ’না…
মোহিত শৰ্মাৰ পিতৃ পৰলোকগামী; হাতত ক’লা বেল্ট পৰিধান কৰি শ্ৰদ্ধাঞ্জলি দিল্লী কেপিটেলছৰ খেলুৱৈৰ
পিতৃৰ বিয়োগৰ বাবে য়ুনাইটেড আৰব এৰি ভাৰতলৈ উভতি আহে দিল্লী কেপিটেলছৰ বেগী বলাৰ মোহিত শৰ্মা। চলিত আই পি এলত মোহিত শৰ্মাই মাত্ৰ…
হিমন্ত বিশ্ব শৰ্মাৰ কনভয়ৰ খুন্দাত আহত নিযুক্তি বঞ্চিত মহিলা শিক্ষক প্ৰতিবাদকাৰী
হিমন্ত বিশ্ব শৰ্মাৰ কনভয়ৰ খুন্দাত আহত নিযুক্তি বঞ্চিত মহিলা শিক্ষক প্ৰতিবাদকাৰী। আহত হয় দীপা পায়েং নামৰ নিযুক্তি তথা বেতন বঞ্চিত শিক্ষয়িত্ৰী গৰাকী।…