বিগ বি অমিতাভ বচ্চনৰ বিশেষ নামৰ ৫টা বাসগৃহৰ আঁৰৰ কাহিনী

ঘৰ এটা কেৱল বসবাস কৰাৰ স্থলেই নহয়, ই জীৱনৰ বহু মূল্যবান স্মৃতি তথা ঘটনাৱলীৰো সাক্ষী। কিছুমান ঘৰ যেনেকৈ আধ্যাত্মিক ভাৱনাৰ ক্ষেত্ৰ, আন কিছুমান আকৌ স্মৃতি বিজড়িত এক হেঁপাহৰ আলয়।

ভাৰতীয় চলচ্চিত্ৰ জগতৰ মহানায়ক তথা বিশ্ব চলচ্চিত্ৰ জগতৰ এগৰাকী জনপ্ৰিয় ব্যক্তিত্ব অমিতাভ বচ্চন কেবল তেওঁৰ ছবিজগতৰ পৰিচয়ৰ বাবেই নহয়, সামাজিক জীৱনতো তেওঁ কেইবাটাও প্ৰজন্মৰ আদৰ্শ পুৰুষ।

তেওঁৰ নিজা ৫টা বাসগৃহ আছে আৰু তাৰ প্ৰতিটোৰে আছে একোটা সুকীয়া নাম যি একো একোটা কাহিনী তুলি ধৰে।

প্ৰতীক্ষাঃ

প্ৰতীক্ষা অমিতাভ বচ্চনে মুম্বাইৰ জুহুত ক্ৰয় কৰা তেওঁৰ প্ৰথমটো বাংলো। এই ঘৰটোতে তেওঁ তেওঁৰ পিতৃ ড০ হৰিবংশ ৰাই বচ্চন আৰু মাতৃ তেজী বচ্চনৰ সৈতে বাস কৰিছিল। পিতৃ হৰিবংশ ৰাই বচ্চনে ইয়াৰ নাম দিছিল ‘’প্ৰতীক্ষা’’কিয়নো তেওঁ স্থায়িত্বক প্ৰতীকী ৰূপত বিচাৰিছিল।

অমিতাভ বচ্চনে নিয়মীয়াকৈ পৰিয়ালৰ মন্দিৰটোত প্ৰাৰ্থনা কৰিবলৈ ‘’প্ৰতীক্ষা’’লৈ যায়। এইটো তেওঁৰ পিতৃয়ে হাতেৰে নিৰ্মাণ কৰিছিল।

কেৱল সেয়াই নহয়, অমিতাভে তেওঁৰ পিতৃ-মাতৃৰ কোঠা দুটাও তেওঁলোকে বাস কৰি থকাৰ সময়ৰ দৰেই সংৰক্ষণ কৰি ৰাখিছে। ২০০৭ চনত অভিষেক বচ্চন আৰু ঐশ্বৰ্য ৰাইৰ বিবাহো এই সুন্দৰ প্ৰাসাদটোতে সম্পন্ন হৈছিল।

জনকঃ

জলছাৰ ওচৰত অৱস্থিত জনক বাংলোত বচ্চনৰ কাৰ্যালয় অৱস্থিত। অমিতাভে বচ্চনে নিয়মিতভাৱে জনকত জিম ব্যৱহাৰ কৰে। জনকৰ আন এটা অৰ্থ হৈছে পিতৃ।

জলছাঃ

জুহুত অৱস্থিত জলছা বাংলোটোতে বৰ্তমান বচ্চন পৰিয়ালে বাস কৰে। এই দুমহলীয়া ঘৰটো ১৯৮২ চনত ‘ছট্টে পে ছট্টা’ নামৰ ছবিখনত কৰা অভিনয়ৰ বাবে পৰিচালক ৰমেশ চিপ্পিয়ে তেওঁক উপহাৰ হিচাপে দিছিল।

এই ঘৰটো প্ৰথমতে অমিতাভৰ ভাতৃ অজিতাভ বচ্চনৰ পত্নী ৰমলা বচ্চনৰ নামত আছিল। সূত্ৰসমূহে জানিবলৈ দিয়া মতে টেক্স সংক্ৰান্তীয় বিষয়ৰ বাবে সেয়া কৰা হৈছিল। ২০০৬ চনত জলছা জয়া বচ্চনৰ নামত পঞ্জীয়ন কৰা হয়।

জলছাৰ সমীপতে নতুন বাংলোঃ

২০১৩ চনৰ মাজভাগত অমিতাভ বচ্চন আৰু পুত্ৰ অজিতাভ বচ্চনে জলছাৰ সমীপত ৮,০০০ বৰ্গ মিটাৰৰ এই বাংলোটো ক্ৰয় কৰে। জুহুত এইটো তেওঁলোকৰ পঞ্চমটো বাংলো। ‘জলছা’ৰ লগতে এইটোও বচ্চন পৰিয়ালৰ বাবে বৰ্তমান বাস কৰা এটা সামৰি লোৱা বাসগৃহ।

বাৎসাঃ

জুহুতে অৱস্থিত অমিতাভ বচ্চনৰ এই বাংলোটো চিটিবেংক ইণ্ডিয়াক ভাড়া দিছে। বাৎসা মানে হৈছে ‘পোৱালি’ আৰু ইয়াৰ নামটো এই কাৰণেই হ’ব পাৰে যে ই এটা সৰু সম্পত্তি আৰু ই তেওঁলোকক ভাড়াৰ পৰা এটা আয়ো আনি দিছে।