কিমান সঁচা! এই দেশৰ এজন পুৰুষে পাতিবই লাগিব দুজনী বিয়া; নহ’লে হ’ব যাৱজ্জীৱন কাৰাদণ্ড!

বিবাহ আৰু সামাজিক ৰীতি-নীতি এক পৰম্পৰা। যদিও বিভিন্ন ধৰ্ম অনুযায়ী বিবাহৰ নীতি-নিয়ম বেলেগ বেলেগ। কেৱল ধৰ্মই নহয়, বিভিন্ন দেশত বিবাহৰ নিয়মবোৰো বেলেগ বেলেগ। এই ক্ষেত্ৰত প্ৰতিখন দেশৰ নিজস্ব আইন আছে। 

এসময়ত বহুবিবাহৰ প্ৰচলন আছিল যদিও ক্ৰমান্বয়ে এই প্ৰথা সকলোতে প্ৰায় নোহোৱা হৈ গ’ল। কিন্তু এখন দেশ আছে, য’ত পুৰুষে এজনক নহয়, দুজনীক বিয়া কৰাবই লাগে! আৰু সেই ব্যক্তিজনে যদি দ্বিতীয় বিবাহৰ প্ৰতি আপত্তি কৰে তেন্তে তেওঁৰ যাৱজ্জীৱন কাৰাদণ্ডও হ’ব পাৰে। বিভিন্ন প্ৰচাৰ মাধ্যমত ভাইৰেল হৈ পৰাৰ পিছত বিবিচিকে ধৰি বিভিন্ন সংবাদ মাধ্যমত এই কাহিনীক এক ভুৱা প্ৰচাৰ বুলি দাবী কৰা হয়।

দৰাচলতে, ভুৱা বুলি দাবী কৰা এই কাহিনীটোনো কি? আফ্ৰিকান দেশ ইৰিত্ৰিয়াত বিবাহৰ কিছু সুকীয়া নিয়ম আছে। সেইবোৰ প্ৰতিখন দেশ, প্ৰতিটো জনগোষ্ঠী বা অঞ্চলভেদে হোৱাৰ দৰে নিজস্ব পৰম্পৰা। 

বহুলভাৱে প্ৰচাৰিত কাহিনী অনুসৰি, আফ্ৰিকাৰ দেশ ইৰিত্ৰিয়াত পুৰুষে দুটা বিবাহ কৰাব লাগে। এই প্ৰথা পালন কৰিবলৈ অস্বীকাৰ কৰিলে যাৱজ্জীৱন কাৰাদণ্ডৰ শাস্তি হ’ব পাৰে। লগতে মহিলাসকলে স্বামীক পুনৰ বিবাহ কৰাত বাধা দিব নোৱাৰে। অন্যথা তেওঁলোকৰ বিৰুদ্ধেও ব্যৱস্থা গ্ৰহণ কৰা হয়। এই আজৱ প্ৰথাৰ মূল কাৰণ দেশৰ অতিমাত্ৰা নাৰী। ইৰিত্ৰিয়াত পুৰুষতকৈ মহিলাৰ সংখ্যা বেছি।

ভাল পাওক বা নাপাওক, বিবাহিত জীৱনত সুখী হওক বা নহওক, যিমানেই কোটি ধন-সম্পত্তি নাথাকক কিয়, এজন পুৰুষে দুবাৰ বিয়া কৰাবই লাগে। এজন ব্যক্তিয়ে ইচ্ছা নকৰিলেও দুগৰাকী পত্নীৰ লগত সংসাৰ কৰিব লগা হয়। আৰু সেইটোৱেই এই দেশৰ বিধান।

আফ্ৰিকা মহাদেশৰ ইৰিত্ৰিয়াত প্ৰতিজন পুৰুষৰ দুটা বিবাহ হোৱাটো বাধ্যতামূলক। যদি ব্যক্তিজনে বিয়া কৰিবলৈ অস্বীকাৰ কৰে তেন্তে তেওঁক যাৱজ্জীৱন কাৰাদণ্ডৰ শাস্তি দিয়া হ’ব। আনহাতে, যদি ব্যক্তিজনৰ পত্নীয়ে আপত্তি কৰে তেন্তে তেওঁৰ বিৰুদ্ধেও আইনী ব্যৱস্থা গ্ৰহণ কৰিব পাৰে।

এই অদ্ভুত আইনখনৰ আঁৰৰ মূল কাৰণটো হ’ল ইৰিত্ৰিয়াত মহিলাৰ সংখ্যা পুৰুষতকৈ বেছি। গতিকে সমাজত ভাৰসাম্য ৰক্ষাৰ বাবে পুৰুষে দুগৰাকী মহিলাক বিয়া কৰাব লাগে। এজন পুৰুষৰ এগৰাকী পত্নী থকাটো অপৰাধ!

এতিয়া কথাটো হ’ল এই কাহিনীটো প্ৰকৃততে এটা ভুৱা কাহিনী নে তাত কিবা সঁচাৰ আঁচ আছে সেয়া ইতিমধ্যে সাঁথৰৰ ৰূপ লৈছে। প্ৰতিষ্ঠিত সংবাদ গোষ্ঠীৰ দাবী ই এক মনেসজা কাহিনী আৰু ইয়াৰ কোনো সত্যতা নাই।