৮২ বছৰীয়া আইতাই মাৰে ডাম্বেল! আইতাৰ শৰীৰচৰ্চাৰ ভিডিঅ’ এতিয়া বহুতৰ বাবে প্ৰেৰণা

বয়সৰ সাংখ্যিক হিচাবে মানুহক বুঢ়া কৰিব নোৱাৰে।

মনৰ উদ্যম যদি ঠিকে থাকে, চিন্তা যদি ইতিবাচক হয় তেন্তে বয়সে মানুহ এজনক কেতিয়াও বুঢ়া কৰিব নোৱাৰে।

সেই কথাৰে প্ৰমাণ দাঙি ধৰিছে চেন্নাইৰ এগৰাকী আইতাই।

আইতাৰ বয়সৰ অথবা তাতোকৈয়ো কম বয়সৰ লোকে যিটো সময়ত সংসাৰৰ সকলো মায়া-মোহ ত্যাগ কৰি ৰোগৰ সৈতে মিতিৰালি পাতে সেই সময়তে পিছে এই গৰাকী  ৮২ বছৰীয়া আইতাই ৱেইট লিফটিং কৰি, ডাম্বেল মাৰি সুন্দৰ ভাবে পাৰ কৰিছে সময়।

৮২ বছৰীয়া  আইতাৰ শৰীৰচৰ্চাৰ ভিডিঅ’ ইনষ্টাগ্ৰামত ৰাজহুৱা কৰাৰ পিছতে এতিয়া নেট দুনীয়াত আইতাৰ ভিডিঅ’ই খলকনি তোলা পৰিলক্ষিত হৈছে।

 

View this post on Instagram

 

A post shared by Chirag Chordia (@chordia.chirag)

আইতাৰ শৰীৰচৰ্চাৰ ভিডিঅ’ চাই বহুতে জীৱনৰ সংজ্ঞা নতুন ভাবে নিৰ্ধাৰণ কৰাৰ উৎসাহ পাইছে।

চেন্নাইৰ বাসিন্দা চিৰাগ চোৰ্ডিয়া।চিৰাগৰ ৮২ বছৰীয়া আইতাক আক্ৰান্ত হ’ল গাৰ বিষত। শৰীৰৰ গাঁঠিয়ে গাঁঠিয়ে বিষ। চিকিৎসকক দেখুৱাইয়ো কোনো ফল ধৰা নাছিল।

পেছাত জিম ইনষ্ট্ৰাক্টৰ চিৰাগে সিদ্ধান্ত ল’লে আইতাকক জিম কৰিবলৈ দিব। ভৱা মতে কাম। আইতাকো মান্তি হ’ল নাতিয়েকৰ কথাত।

সেই মৰ্মে আইতাই মাৰিবলৈ আৰম্ভ কৰিলে ডাম্বেল।

আৰম্ভ কৰিলে ৱেইট লিফটিং কৰিবলৈ। এটা সময়ত আইতা পাকৈত হৈ পৰিল ডাম্বেল মৰা, ৱেইট লিফটিং,স্কোৱাট আদি সকলোতে।

আইতাৰ দেহৰ পৰা বিষে পলাই ফাট মাৰিলে।

ইনষ্টাগ্ৰামত আপলোড কৰা আইতাৰ ভিডিঅ’ বোৰে এতিয়া কেৱল তেওঁৰ বয়সৰেই নহয়,যুৱ প্ৰজন্মকো দিছে নতুন প্ৰেৰণা।