বেংকৰ গ্ৰাহকলৈ সকাহ; মাৰ্চৰ তিনিদিনীয়া ধৰ্মঘট স্থগিত

মাৰ্চত বেংকৰ ধৰ্মঘটৰ পৰা গ্ৰাহকে পালে সকাহ। মার্চত ঘোষণা কৰা তিনিদিনীয়া ধৰ্মঘট স্থগিত ৰখা হৈছে।

শনিবাৰে মুম্বাইত আন্দোলনকাৰীৰ সৈতে ইণ্ডিয়ান বেংক এছোচিয়েশ্যনৰ বৈঠকৰ পাছত তিনিদিনীয়া ধৰ্মঘট স্থগিত ৰখা হৈছে।

ইয়াৰ ফলত দৌলৰ পাছতে ১১,১২ আৰু ১৩ তাৰিখে গ্ৰাহকে বেংকৰ সেৱা লাভ কৰিব। স্বাভাৱিকতে এই খৱৰে গ্ৰাহকৰ বাবে সকাহৰ সৃষ্টি কৰিছে।

চলিত বিত্তীয় বৰ্ষৰ শেষত অৰ্থাৎ মাৰ্চতসৰ্বমুঠ ্১১ দিন বেংকসেৱা বন্ধ থাকিব বুলি জানিব পৰা গৈছিল।

বেংকৰ নিৰ্দ্ধাৰিত বন্ধৰ উপৰি দৌল আৰু ধৰ্মঘটৰ বাবে এই বন্ধ থকাৰ কথা আছিল।

দৰমহা গাঁথনিৰ পৰিৱৰ্তন আৰু বিলুপ্তকৰণৰ প্ৰতিবাদত পৰ্যায়ক্ৰমে ধৰ্মঘটৰ কথা ঘোষণা কৰা হৈছিল।

ইয়াৰ অংশ হিচাবে ১১ মাৰ্চৰ পৰা ১৩ মাৰ্চলৈকে একেৰাহে তিনিদিন বেংক ধৰ্মঘটৰ আহ্বান দিছিল বেংক কৰ্মীসকলে।

ইপিনে, ধৰ্মঘট আৰম্ভ হোৱাৰ পূৰ্বৰ দিনা অৰ্থাৎ ১০ মাৰ্চ মঙলবাৰ দৌলৰ বাবে বেংক বন্ধ থাকিব। সেইদৰে ১৪ মাৰ্চ দ্বিতীয় শনিবাৰ আৰু ১৫ মাৰ্চ দেওবাৰ। গতিকেই এই দুদিনো বেংক বন্ধ থাকিব।

এইদৰে ছয় দিন বেংক বন্ধ থাকিলে সাধাৰণ লোকৰ বাবে ভীষণ সমস্যা হ’লহেতেন।

কিন্তু গ্ৰাহকৰ সমস্যাৰ অৱসান ঘটাই মুম্বাইত ইণ্ডিয়ান বেংক এছোচিয়েশ্যনৰ সৈতে প্ৰতিবাদকাৰীসকল বৈঠকত মিলিত হয়।

ইয়াতেই তেওঁলোকে আশ্বাস পোৱাৰ পাছত সিদ্ধান্ত সলনি কৰে। ফলস্বৰূপে, অহা ১১,১২,১৩তাৰিখে দিয়া ধৰ্মঘটৰ আহ্বান স্থগিত ৰখা হয়।

স্বাভাৱিকতে উক্ত দিনকেইটাত বেংক সেৱা মুকলি থকাৰ বাবে সাধাৰণ গ্ৰাহকে বাৰুকৈয়ে সকাহ পাব।