কোকৰাঝাৰত মৰ্মান্তিক ঘটনা; একেলগে চিপ লৈ আত্মহত্যা সম্পৰ্কীয় নাবালিকা দুই ভগ্নীৰ!

কোকৰাঝাৰত সংঘটিত হৈছে এক মৰ্মান্তিক ঘটনা। কোকৰাঝাৰৰ অভয়াকুটিৰত সংঘটিত হৈছে এই ঘটনা ।

দুগৰাকী নাবালিকা সম্পৰ্কীয় ভগ্নীয়ে একেলগে এডাল গছতেই আত্মহত্যা কৰাৰ ঘটনাই অঞ্চলটোত চাঞ্চল্যৰ সৃষ্টি কৰিছে।

নাৱালিকা ছাত্ৰী দুগৰাকী হৈছে অভয়াকুটিৰ বিভীষণ ৰাভাৰ ১৪ বছৰীয়া কন্যা ৰবিতা ৰাভা আৰু স্বপন ৰাভাৰ ১৬ বছৰীয়া কন্যা সোমাইনা ৰাভা।

আৰক্ষীয়ে দুয়োগৰাকী নাবালিকাৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে।

প্ৰাথমিক তদন্তত আৰক্ষীয়ে এয়া আত্মহত্যাৰ ঘটনা বুলিয়েই সন্দেহ কৰিছে যদিও  দৰাচলতে এয়া আত্মহত্যা নে হত্যাৰ ঘটনা সেয়া মৰণোত্তোৰ পৰীক্ষাৰ পিছতহে জানিব পৰা যাব বুলি আৰক্ষীয়ে জনায়।

ইপিনে পৰিয়ালৰ লোকে হত্যা কৰি নাবালিকা দুগৰাকীক এনেদৰে ছত ওলোমাই থোৱাৰ সন্দেহ প্ৰকাশ কৰিছে।

গোটেই ঘটনাটোৰ তদন্ত আৰক্ষীয়ে অব্যাহত ৰাখিছে।