ক্লিনিকত গোটেই নিশা চলিছিল এচি; অত্যধিক ঠাণ্ডাত মৃত্যু ২ নৱজাতকৰ

গোটেই নিশা এচিৰ তীব্ৰ ঠাণ্ডাত শুই থকা দুটি নৱজাতকৰ মৃত্যু ঘটিছে। এই অভিযোগ মৃত শিশুৰ পৰিয়ালৰ। দেওবাৰে উত্তৰ প্ৰদেশৰ চামলী জিলাত এই ঘটনাক লৈ বিয়পি পৰে উত্তেজনা।

আৰক্ষীৰ সূত্ৰ অনুসৰি, শনিবাৰে প্ৰাথমিক স্বাস্থ্য কেন্দ্ৰত ২ টা নৱজাতকৰ জন্ম হয়। পিছত তেওঁলোকক ব্যক্তিগত ক্লিনিকলৈ স্থানান্তৰ কৰা হয়। তাত থকা ফটোথেৰাপি ইউনিটত শিশুক ৰখা হয়।

লগতে পঢ়ক: গাড়ীৰ হেডলাইটক লৈ কাজিয়াৰ সূত্ৰপাত; আৰক্ষীৰ প্ৰচণ্ড চৰত মৃত্যু ব্যক্তিৰ

ক্লিনিকখনৰ মালিক ডাঃ নীতুৱে সেই কোঠাটোত গোটেই নিশা এচি চলাই ৰখাৰ অভিযোগ আনিছে পৰিয়ালৰ লোকে। তেওঁৰ টোপনিত যাতে ব্যাঘাত নজন্মে তাৰ বাবে তেওঁ গোটেই নিশা এচি অন কৰি থৈছিল।

দেওবাৰে পুৱা পৰিয়ালটোৱে নৱজাতক দুটিৰ মৃত্যুৰ খবৰ লাভ কৰে। অভিযোগ অনুসৰি অত্যধিক ঠাণ্ডাৰ বাবে শিশু দুটিৰ মৃত্যু হয়।

লগতে পঢ়ক: ১২০ কোটি মাইল দূৰৰ গ্ৰহাণুৰ পৰা ২৫০ গ্ৰাম ধূলি-শিল লৈ পৃথিৱীলৈ উভতি আহিল নাছাৰ মহাকাশযান

থানাত এজাহাৰ দাখিল কৰাৰ পিছতেই আৰক্ষীয়ে অভিযুক্ত ক্লিনিকৰ মালিকক গ্ৰেপ্তাৰ কৰে। আৰক্ষীয়ে ঘটনাটোৰ তদন্ত অব্যাহত আছে।