নগাঁৱৰ পণ্ডিতঘাটত সংঘটিত শোকাৱহ নাওঁ দুৰ্ঘটনাত শিশুসহ দুগৰাকী লোক সন্ধানহীন

নগাঁও জিলাৰ কচুৱাৰ পণ্ডিতঘাটত সংঘটিত হোৱা এক শোকাৱহ নাওঁ দুৰ্ঘটনাত শিশুসহ দুগৰাকী লোক সন্ধানহীন হৈ থকাৰ বাতৰি লাভ কৰা গৈছে।

এখন টুলুঙা নাৱত উঠি বাৰিষা ভৰা বৰপানী নৈ পাৰ হোৱাৰ সময়তে আকস্মিকভাৱে সংঘটিত হোৱা নাওঁ দুৰ্ঘটনাটোত মহিলা আৰু শিশুসহ দুগৰাকী লোক বৰ্তমনানেও সন্ধানহীন হৈ আছে।

সন্ধানহীন হৈ থকা মহিলা গৰাকীৰ নাম চুফিয়া খাতুন(৩৫) আৰু শিশুটিৰ নাম ইয়াচমিনা খাতুন(৩) বুলি পৰিছয় লাভ কৰিব পৰা গৈছে।

ঘটনাৰ বিৱৰণী অনুসৰি, ডিমাপুৰৰ পৰা ঘৰলৈ ওভতাৰ পথত চুফিয়া খাতুন আৰু শিশুগৰাকীয়ে বৰপানী নৈ পৰা হ’বৰ বাবে এখন টুলুঙা নাওঁত উঠে। নাৱখনত মুঠ তেৰগৰাকী যাত্ৰীয়ে যাত্ৰা কৰিছিল।

বাৰিষা নদীত পানীৰ সোত বেছি হোৱাবাবে নৈৰ মাজভাগত নিয়ন্ত্ৰণ হেৰুৱাই নাওঁখন দুৰ্ঘটনাগ্ৰস্ত হোৱাৰ ফলত নাওঁখনত থকা যাত্ৰীসকল নদীৰ বুকুত পৰি যায়।

দুৰ্ঘটনাগ্ৰস্ত নাওঁখনৰ বাকীসকল যাত্ৰীয়ে কোনোমতে প্ৰাণ ৰক্ষা কৰিবলৈ সক্ষম হয় যদিও চুফিয়া খাতুন আৰু শিশুগৰাকী নৈৰ বুকুত সন্ধানহীন হয়।

সন্ধানহীন হৈ থকা শিশু আৰু মহিলাগৰাকীক উদ্ধাৰৰ বাবে উদ্ধাৰ অভিযান অব্যাহত ৰখা হৈছে।