মহিলা টি-২০ এছিয়া কাপৰ দল ঘোষণা বিচিচিআইৰ; দলত অসমৰ উমা ছেত্ৰী

ভাৰতীয় ক্ৰিকেট ব’ৰ্ডে মহিলা এছিয়া কাপৰ বাবে দল ঘোষণা কৰিছে। শনিবাৰে ঘোষণা কৰা হৈছে ১৫ জনীয়া দলটো। সেই দলটোৰ নেতৃত্ব দিব হৰমনপ্ৰীত কৌৰে। ১৫ জনীয়া দলটোত স্থান লাভ কৰিছে অসমৰ উমা ছেত্ৰীয়ে।

বৰ্তমান ভাৰতে দক্ষিণ আফ্ৰিকাৰ বিৰুদ্ধে টি-২০ শৃংখলা খেলিছে। প্ৰথমখন খেলত ১২ ৰানত পৰাস্ত হয়। দ্বিতীয়খন খেল আছে দেওবাৰে। সেই দলটোৰ নেতৃত্ব দি আছে হৰমনপ্ৰীতে। সহ অধিনায়ক হিচাপে নিৰ্বাচিত হৈছে স্মৃতি মান্ধনা। দক্ষিণ আফ্ৰিকাৰ বিৰুদ্ধে প্ৰথমখন খেলত তেওঁ ভাল খেলিছিল।

লগতে পঢ়কঃ বিশ্ব চেম্পিয়ন হোৱাৰ পিছতে ছন্দহীন টীম ইণ্ডিয়া! জিম্বাবুৱেৰ হাতত পৰাস্ত ভাৰতৰ যুৱ ব্ৰিগেড

১৫ গৰাকীৰ উপৰিও ৰিজাৰ্ভ দলত আছে শ্বেতা ছেহৰাবাট, চাইকা ইছহাক, তনুকা কানৱাৰ আৰু মেঘনা সিং। ভাৰতে গ্ৰুপ পৰ্যায়ত পাকিস্তান (১৯ জুলাই), ইউ এ ই (২১ জুলাই) আৰু নেপাল (২৩ জুলাই)ৰ বিৰুদ্ধে খেলিব। সকলো খেল ডাম্বুলা ষ্টেডিয়ামত অনুষ্ঠিত হ’ব। শেষবাৰৰ চেম্পিয়ন ভাৰত। ৭ এই ট্ৰফী জয়েৰে বাৰ অভিলেখ সৃষ্টি কৰিছে ।

টিম ইণ্ডিয়াঃ হৰমনপ্ৰীত কৌৰ (অধিনায়ক), স্মৃতি মান্ধনা (উপ অধিনায়ক), শ্বেফালী বাৰ্মা, দীপ্তি শৰ্মা, জেমিমা ৰড্ৰিগেজ, ৰিচা ঘোষ, উমা ছেত্ৰী, পূজা বস্ত্ৰকাৰ, অৰুন্ধতী ৰেড্ডী, ৰেনুকা সিং ঠাকুৰ, দয়ালন হেমালতা, আশা শোভনা, ৰাধা যাদৱ, শ্রেয়ংকা পাটিল আৰু সাজনা সজীৱন।

লগতে পঢ়কঃআৱেগিক মুহূৰ্ত! ৰোহিত-হাৰ্দিক-সূৰ্যক কাষত লৈ কান্দি পেলালে নীতা আম্বানীয়ে

উল্লেখ্য যে যোৱা বছৰ জুলাইত ভাৰতীয় জাতীয় দলত স্থান কৰিছিল অসম কন্যাগৰাকী। উমা ছেত্ৰী ভাৰতীয় মহিলা ক্ৰিকেট দলত স্থান লাভ কৰা অসমৰ প্ৰথম ক্ৰিকেটাৰ। উমা এগৰাকী প্ৰতিভাৱান উইকেটকীপাৰ আৰু বেটাৰ।

বোকাখাতৰ ২০ বছৰীয়া ক্ৰিকেটাৰগৰাকীয়ে যেতিয়াই সুযোগ পাইছে তাৰ ব্যৱহাৰ কৰিবলৈ যৎপৰোনাস্তি চেষ্টা চলাই আহিছে।