সংখ্যলঘুক সুৰক্ষা দিয়াত ব্যৰ্থ ভাৰত চৰকাৰ! ৰাষ্ট্ৰসংঘৰ সচিব প্ৰধানৰ তীব্ৰ বিষোদগাৰ

ভাৰতত সংখ্যালঘু লোকসকল কিমান সুৰক্ষিত? এই প্ৰশ্নই এতিয়া ক্ৰিয়া কৰিছে বহুতৰে মনত। বিশেষকৈ মোদীৰ চৰকাৰ অহাৰ পিছত ভাৰতৰ সংখ্যালঘু লোকসকলে নিৰাপত্তাহীনতাত ভোগা বুলি অভিযোগ উঠি আহিছে। এনে সময়তে ৰাষ্ট্ৰসংঘৰ সচিব প্ৰধান এণ্টনিঅ’ গুটেৰেছেও আজি ভাৰতৰ সংখ্যালঘু লোকসকৰ সুৰক্ষাৰ বিষয়টো উত্থাপন কৰি এই ক্ষেত্ৰত ভাৰতক সজাগ হ’বলৈ আহ্বান জনায়।

ৰাষ্ট্ৰসংঘৰ সচিব প্ৰধান এণ্টনিঅ’ গুট্ৰেছে ঈনকি মানৱ অধিকাৰৰ উলংঘনৰ ঘটনাবোৰকলৈ উদ্বিগ্নতা ব্যক্ত কৰে।তেওঁ কয় যে সংখ্যালঘু শ্ৰেণীসমূহৰ অধিকাৰ সুৰক্ষিত কৰি তেওঁলোকক শক্তিশালী কৰিব পাৰি।সকলো শ্ৰেণীৰ অধিকাৰ সুৰক্ষিত কৰিতেওঁলোকক শক্তিশালী কৰিবলৈ ৰাষ্ট্ৰপিতা মহাত্মা গান্ধীৰ মূল্যবোধ অনুশীলন কৰিবলৈও তেওঁ আহ্বান জনায়।

ভাৰতত থাকিয়েই ভাৰতীয়ক মহাত্মা গনাধীৰ আদৰ্শ অনুসৰণ কৰিবলৈ কোৱা কথাই বিশেষ তাৎপৰ্য বহন কৰিছে। আইআইটি বোম্বাইত আয়োজিত এক অনুষ্ঠানত ভাষণ দি গুট্ৰেছে কয়, “বিশ্বৰ মঞ্চত ভাৰতে শক্তিশালী পদক্ষেপৰ জৰিয়তে কৰ্তৃত্ব আৰু বিশ্বাসযোগ্যতা লাভ কৰিব পাৰে।”

তেওঁ কয় ‘সংখ্যালঘুসকলক সুৰক্ষা দিয়াটো ভাৰতৰ দায়িত্ব’।তেওঁ সংখ্যালঘুৰ লগতে সাংবাদিক, মানৱ অধিকাৰ কৰ্মী, শিক্ষাৰ্থী আৰু শিক্ষাবিদসকলৰ অধিকাৰ আৰু স্বাধীনতা সুৰক্ষিত কৰি লাগিব বুলি তাৎপৰ্যপূণ মন্তব্য কৰে।

উল্লেখ্য ৰাষ্ট্ৰসংঘৰ সচিব প্ৰধানগৰাকী বৰ্তমান ভাৰততে আছে। তেও আজি মুম্বাইত ২৬/১১ ৰ সন্ত্ৰাসবাদী আক্ৰমণত নিহত সকলৰ প্ৰতি শ্ৰদ্ধা জ্ঞাপন কৰে।