UN special envoy in Myanmar: গৃহযুদ্ধত জৰ্জৰিত ম্যানমাৰত ৰাষ্ট্ৰসংঘৰ বিশেষ প্ৰতিনিধি; চাপত ক্ষমতাশালী সামৰিক শাসক!
UN Special Envoy Noeleen Heyzer makes first visit গৃহযুদ্ধত জৰ্জৰিত হৈ থকাৰ সময়তে ম্যানমাৰত উপস্থিত হৈছে ৰাষ্ট্ৰসংঘৰ বিশেষ প্ৰতিনিধি নেলেন হাইজাৰ। অক্টোবৰত কাৰ্যভাৰ গ্ৰহণ কৰাৰ পিছত এইটো তেওঁৰ প্ৰথম ম্যানমাৰ ভ্ৰমণ। সোমবাৰে তেওঁ যদিও ৰাজধানী নেপিড’ত উপস্থিত হৈছে, কাৰাবন্দী আং চান চু কীৰ সৈতে তেওঁ সাক্ষাৎ কৰিব পাৰিব নে নাই তাক লৈ সন্দেহ আছে।
২০২১ চনৰ ফেব্ৰুৱাৰী মাহত টাটমাদাও বা দেশৰ সামৰিক বাহিনীয়ে আং চান চু কীৰ গণতান্ত্ৰিক চৰকাৰক উৎখাত কৰে। তেতিয়াৰ পৰা শক্তিশালী সামৰিক জুন্টা চৰকাৰ ক্ষমতাত আছে। কিন্তু দেশত গণতন্ত্ৰ পুনৰুদ্ধাৰৰ বাবে বিদ্ৰোহী সশস্ত্ৰ গোটবোৰে সেনাৰ সৈতে যুঁজ দি আছে।
লগতে পঢ়ক: Taiwan: পেলোচিৰ পিছত আমেৰিকাৰ চিনেটৰৰ টাইৱান ভ্ৰমণ; ক্ষুব্ধ চীনে পুনৰ আৰম্ভ কৰিলে সামৰিক অনুশীলন
এনে পৰিস্থিতিত বিদ্ৰোহ দমন কৰিবলৈ সেনাই অমানৱীয় অত্যাচাৰ চলোৱাৰ অভিযোগ কৰা হৈছে। ইয়াকে লৈ আন্তৰ্জাতিক মহলে প্ৰতিক্ৰিয়া ব্যক্ত কৰিছে। ৰাষ্ট্ৰসংঘই মানৱতাৰ স্বাৰ্থত দেশখনত সাহায্য অভিযান চলাবলৈ বাধাহীন ভ্ৰমণৰ দাবী জনোৱাৰ মাজতে বিশেষ প্ৰতিনিধি নেলেন হাইজাৰৰ ভ্ৰমণে জুন্টা চৰকাৰৰ ওপৰত চাপ বৃদ্ধি কৰিছে।
ৰাষ্ট্ৰসংঘৰ মুখপাত্ৰ ষ্টেপান ডুজাৰিকে বিশেষ প্ৰতিনিধি হাইজাৰৰ ভ্ৰমণ সন্দৰ্ভত এক বিবৃতি জাৰি কৰি কৈছে, “ম্যানমাৰৰ পৰিস্থিতি কেনেদৰে অৱনতি হৈছে সেয়া হাইজাৰে পৰ্যৱেক্ষণ কৰিব। নাগৰিক সমাজ, ৰাজনীতিবিদ আৰু এই যুঁজৰ দ্বাৰা ক্ষতিগ্ৰস্ত সকলো পক্ষৰ সৈতে বিতং আলোচনাৰ পিছত তেওঁ ভ্ৰমণলৈ গৈছে।‘’
অৱশ্যে ৰাষ্ট্ৰসংঘৰ মুখপাত্ৰগৰাকীয়ে হাইজাৰে কাৰাগাৰত থকা আং চান চু কীৰ সৈতে সাক্ষাৎ কৰিব পাৰিব নে নাই সেয়া স্পষ্টকৈ উল্লেখ কৰা নাই।
আং চু কী বৰ্তমান ম্যানমাৰৰ ৰাজধানী চহৰখনত বন্দী হৈ আছে। তেওঁক পূৰ্বে কেইবাটাও গোচৰত ১১ বছৰৰ কাৰাদণ্ড দিয়া হৈছিল। সোমবাৰে তেওঁক পুনৰ ছয় বছৰৰ কাৰাদণ্ড দিয়া হৈছে।
লগতে পঢ়ক: The Sun: সূৰ্যৰ বয়স এতিয়া কিমান? মৃত্যুৰ সময় কেতিয়া তাকো প্ৰকাশ কৰিলে বিজ্ঞানীয়ে
ইপিনে, পূৰ্বৰ দৰেই ম্যানমাৰ আদালতৰ সিদ্ধান্তৰ বিৰুদ্ধে সৰৱ হৈছে আন্তৰ্জাতিক মহল। কেইবাখনো দেশে চু কীৰ তাৎক্ষণিক মুক্তিও দাবী কৰিছে। তথাপি আন্তৰ্জাতিক চাপৰ সন্মুখত মূৰ দোৱাবলৈ আগ্ৰহী নহয় ক্ষমতাশালী জুন্টা চৰকাৰ।
You may also like
মাৰিয়া ৰেছা আৰু দিমিত্ৰী মুৰাটভলৈ ২০২১ বৰ্ষৰ শান্তিৰ নোবেল বঁটা
শুকুৰবাৰে ঘোষণা কৰা হৈছে ২০২১ বৰ্ষৰ শান্তিৰ নোবেল বঁটা বিজয়ীৰ নাম। ফিলিপিনছৰ সাংবাদিক মাৰিয়া ৰেছা আৰু ৰাছিয়াৰ দিমিত্ৰী মুৰাটভক তেওঁলোকৰ দেশত মত…
বঙাইগাঁৱত বিধেয়কৰ বিৰোধিতাৰে সৰ্বা-হিমন্তলৈ শ্ৰদ্ধাঞ্জলি
অসম জাতীয়তাবাদী যুৱ ছাত্ৰ পৰিষদৰ বঙাইগাঁও জিলা সমিতিয়ে আজি নাগৰিকত্ব বিধেয়ক বাতিলৰ দাবীৰে বৰপাৰাত ব্যতিক্ৰমী প্ৰতিবাদী কাৰ্যসূচী গ্ৰহণ কৰে। ছাত্ৰ সংগঠনটোৱে সৰ্বানন্দ…
বিস্ফোৰিত হ’ল বিজেপি নেতাৰ ঘৰত মজুত কৰি ৰখা বোমা! কেইবাজনো আহত
শনিবাৰে পুৱা এগৰাকী বিজেপি নেতাৰ বাসগৃহত সংঘটিত হয় এক ভয়ানক বিস্ফোৰণ। পশ্চিমবংগৰ হাছানাবাদত সংঘটিত হৈছে এই ঘটনা। জানিব পৰা মতে এই বিস্ফোৰণত…
মুম্বাই আক্ৰমণৰ মাষ্টাৰমাইণ্ড জাকিউৰ ৰহমান লাকভিক ১৫ বছৰৰ কাৰাদণ্ড পাকিস্তানৰ
২৬/১১ মুম্বাই আক্ৰমণৰ মাষ্টাৰমাইণ্ড লস্কৰ-ই-তৈবাৰ শীৰ্ষ কামাণ্ডাৰ জাকিউৰ ৰহমান লাকভিক ১৫ বছৰৰ কাৰাদাণ্ড বিহিছে পাকিস্তানৰ এখন আদালতে। উল্লেখ্য যে যোৱা ২ জানুৱাৰীত…