The Sun: সূৰ্যৰ বয়স এতিয়া কিমান? মৃত্যুৰ সময় কেতিয়া তাকো প্ৰকাশ কৰিলে বিজ্ঞানীয়ে

The age of the Sun and its death জন্মিলে মৰিব লাগে এই সত্য কেৱল জীৱকূলৰ বাবেই প্ৰযোজ্য নহয়, জীৱকূলৰ সৃষ্টি আৰু জীয়াই থকাৰ অন্যতম কাৰণ যি সূৰ্য তাৰো মৃত্যু হ’ব। 

বিজ্ঞানীসকলে জানিবলৈ দিছে যে সূৰ্য এতিয়া মধ্যবয়স্ক। বিশ্বব্ৰহ্মাণ্ডৰ আটাইতকৈ নিখুঁত মানচিত্ৰ তৈয়াৰ কৰা গায়া মহাকাশযানে (স্পেচক্ৰাফ্ট) এইবাৰ সূৰ্যৰ বয়স আৰু জীৱনকালৰ বিষয়ে তথ্য দাঙি ধৰিছে।

লগতে পঢ়ক: FIFA Bans AIFF: ফিফাই নিষিদ্ধ কৰিলে অল ইণ্ডিয়া ফুটবল ফেডাৰেচনক; ভাৰতৰ পৰা আঁতৰিল অনুৰ্ধ-১৭ৰ মহিলা বিশ্বকাপ

জানিব পৰা গৈছে যে সূৰ্যৰ বয়স এতিয়া প্ৰায় ৪৫৭ কোটি বছৰ। সূৰ্য এতিয়া মধ্যবয়সীয়া আৰু সম্পূৰ্ণ স্বাস্থ্যৱান। হাইড্ৰ’জেন ফিউজ কৰি হিলিয়াম উৎপন্ন কৰি চলি আছে। কৰোনেল মাচ ইজেকচন চলি আছে। অৰ্থাৎ, সকলোবোৰেই স্বাস্থ্যকৰ আৰু স্বাভাৱিক।

কিন্তু বয়স বাঢ়ি অহাৰ লগে লগে বিপদ হ’ব। যদি হাইড্ৰ’জেনৰ অভাৱ হয়, ফিউজন প্ৰণালী সলনি হ’ব আৰু সময়ত গৈ ই এক বিশালকায় ৰঙা তৰালৈ পৰিণত হ’ব। কিন্তু সেই আপদীয়া দিনটো কেতিয়া আহিব?

বিভিন্ন তথ্য আৰু পৰীক্ষা-নিৰীক্ষাৰ পিছত বিজ্ঞানীসকলে জানিবলৈ দিছে যে ৮০০ কোটি বছৰ বয়সত আমাৰ সূৰ্য সৰ্বোচ্চ উষ্ণতাৰ পৰ্যায়ত উপনীত হ’ব। তাৰ পিছৰে পৰা ই ঠাণ্ডা হ’বলৈ আৰম্ভ কৰিব আৰু আকৃতিও বৃদ্ধি পাব। ই তেতিয়া এটা ৰঙা দৈত্যাকৃতিলৈ পৰিৱৰ্তিত হ’ব।

লগতে পঢ়ক: Taiwan: পেলোচিৰ পিছত আমেৰিকাৰ চিনেটৰৰ টাইৱান ভ্ৰমণ; ক্ষুব্ধ চীনে পুনৰ আৰম্ভ কৰিলে সামৰিক অনুশীলন

অৱশেষত ১০ লাখ কোটি বছৰত সূৰ্যৰ মৃত্যু হ’ব। কোৱাৰ প্ৰয়োজন নাই যে সেই সময়ত জীৱজগত বৰ্তি থকাৰ কোনো প্ৰশ্নই নাই। সূৰ্যই ইয়াৰ উত্তাপ হেৰুৱাই পেলালেই পৃথিৱীত জীৱৰ ধ্বংস হ’ব।