বিহাৰত কেন্দ্ৰীয় মন্ত্ৰী অশ্বিনী চৌবেই ক’লে, ’২০২৪-ত সকলো বিদেশীক বাংলাদেশলৈ পঠিয়াই দিম’

কেন্দ্ৰীয় মন্ত্ৰী অশ্বিনী কুমাৰ চৌবেই দেওবাৰে দাবী কৰে যে ২০২৪ চনত বিজেপিয়ে সকলো বিদেশীক (ফিৰিংগী) বাংলাদেশলৈ প্ৰেৰণ কৰিব। বিহাৰৰ পাটনাৰ এক অনুষ্ঠানত কেন্দ্ৰীয় মন্ত্ৰীগৰাকীয়ে কয়, ‘২০২৪ চনত বিহাৰৰ ৪০টা সমষ্টিত এই ফিৰিংগী শাসনক মই সন্মুখলৈ লৈ আহিম। সকলো ‘ফিৰিংগী’য়ে শুনক, আমি ২০২৪ চনত আপোনালোকক বাংলাদেশলৈ পঠিয়াই দিম। আমি ২০২৫ চনত বিহাৰত বিজেপি শাসন প্ৰতিষ্ঠা কৰিম।’

দলীয় অনুষ্ঠানত কেন্দ্ৰীয় মন্ত্ৰী চৌবেই কয়, ‘বিজেপি ত্যাগ কৰি আৰজেডিৰ সৈতে হাত মিলোৱা জেডিইউৰ বিৰুদ্ধে প্ৰতিশোধ লোৱাৰ সময় আহি পৰিছে।’

লগতে পঢ়ক: চাশাৰ পিছত এইবাৰ উদয়; কুনো ৰাষ্ট্ৰীয় উদ্যানত দক্ষিণ আফ্ৰিকাৰ পৰা অনা চিতাৰ মৃত্যু

বিহাৰৰ মুখ্যমন্ত্ৰী নীতিশ কুমাৰক কটাক্ষ কৰি অশ্বিনীয়ে কয়, ‘২০১৪ চনত নীতিশ কুমাৰে কৈছিল যে তেওঁ বিজেপিৰ সৈতে হাত নিমিলায়। আমাৰ লগত হাত মিলাই দিয়াৰ সলনি তেওঁ মাটিত মিহলি হ’ব বিচাৰিছিল। ইয়াৰ পিছত তেওঁ পাঁচ বছৰ আমাৰ (বিজেপি)ৰ লগত আছিল। সেয়ে, এতিয়া আমি মাটি বিচাৰি আছো। তেওঁক ক’ত বিচাৰি পোৱা যাব, তাকে বিচাৰি আছো। মানুহে আপোনাক ৰাজনৈতিকভাৱে হত্যা কৰিব। তেওঁ বুজি পাইছে যে আমি তেওঁৰ ৰাজনৈতিক কেৰিয়াৰ শেষ কৰিম।’

কেন্দ্ৰীয় মন্ত্ৰীগৰাকীয়ে কয়, ‘বিজেপিয়ে কেতিয়াও ইউ টাৰ্ণ নলয়। আনহাতে, নীতিশ কুমাৰে ইউ টাৰ্ণৰ পিছত ইউ টাৰ্ণ লৈছে। তেওঁ পাহৰি যোৱা উচিত নহয় যে যদি লালু প্ৰসাদ যাদৱৰ বিৰুদ্ধে বিজেপিয়ে তেওঁক সমৰ্থন নকৰিলেহেঁতেন তেন্তে তেওঁ দুখীয়াৰ বন্ধু হৈ নাথাকিলহেঁতেন। নীতিশ কুমাৰে আমাক নিৰাশ কৰিছে আৰু তাৰ বাবে তেওঁক এটা উপযুক্ত শিক্ষা দিয়া উচিত।’

মন্ত্ৰী অশ্বিনীয়ে লগতে কয়, ‘আমি নীতিশ কুমাৰক বহুবাৰ সমৰ্থন কৰিছো যদিও আমাৰ প্ৰধানমন্ত্ৰীৰ আশ্বাসৰ পিছতো তেওঁ আমাক পৰিত্যাগ কৰিছে। প্ৰধানমন্ত্ৰীয়ে তেওঁক কৈছিল যে তেওঁৱেই বিহাৰৰ মুখ্যমন্ত্ৰী হৈ থাকিব। এতিয়া বিজেপি কৰ্মীয়ে প্ৰতিশোধ ল’ব লাগিব। তেওঁৰ ৰাজনৈতিক কেৰিয়াৰৰ বিষয়ে মই কওঁ, মাটিত মিহলাই দিম।’

লগতে পঢ়ক:IPL-2023: চেন্নাইৰ ৰাণৰ পাহাৰ দেখি আত্মসমৰ্পণ কলকাতাৰ! ইডেনত ধোনীৰ দপদপনি, নতশিৰ ৰাণা

ইপিনে, ‘মাটিত মিহলাই দিয়া’ মন্তব্যৰ পিছতে বিহাৰৰ মুখ্যমন্ত্ৰীয়ে মুখ মেলিছে। এটা অনুষ্ঠানত নীতিশ কুমাৰে এই প্ৰসংগত কয়, ‘যদি তেওঁ এই কথা কৈছে, তেন্তে তেওঁক প্ৰমাণ কৰিবলৈ কওক। কোনোবাই কেতিয়াবা মোক এনেকুৱা কথা কোৱা শুনিছেনে? এনে শব্দ ব্যৱহাৰ কৰা সকলৰ কোনো বুদ্ধি নাই। তেওঁলোকে যি মন যায় কৰিব পাৰে।’