বিষাক্ত চুলাই মদ পান কৰি পুনৰ মৃত্যু ৬ জনৰ, চিকিৎসাধীন বহুজন

বিষাক্ত চুলাই মদ পান কৰি পুনৰ মৃত্যুক সাৱটিলে ৬ জনকৈ লোকে।
মদ্যপানৰ পিছতে গুৰুতৰভাৱে অসুস্থ হৈ পৰা আন ১৫ জন লোকক চিকিৎসালয়ত ভৰ্তি কৰোৱা হৈছে।

বিষাক্ত মদ পানৰ ঘটনা সংঘটিত হৈছে যোগী আদিত্যনাথৰ ৰাজ্য উত্তৰ প্ৰদেশত।

উত্তৰ প্ৰদেশৰ আমিল্লা নামৰ গাঁওখনত যোৱা নিশা চুলাই মদ পান কৰাৰ পিছতে বহু কেইজন লোক গুৰুতৰ ভাবে অসুস্থ হৈ পৰে।

ইয়াৰ পিছতে স্থানীয় লোকসকলে অসুস্থ হৈ পৰা লোক সকলক চিকিৎসালয়লৈ নিয়াৰ ব্যৱস্থা কৰে যদিও বাটতে ৬ জন লোকৰ মৃত্যু ঘটে।

গুৰুতৰ ভাবে অসুস্থ লোক কেইজনৰ মাজৰে ৭ জনৰ অৱ্স্থা অতি সংকটজনক বুলি জানিব পৰা গৈছে।

আৰক্ষীয়ে ইতিমধ্যে মদ ব্যৱসায়ী দম্পতিক গ্ৰেপ্তাৰ কৰিছে।

আৰক্ষীয়ে প্ৰকাশ কৰা মতে মৃত লোক কেইজনৰ মৰণোত্তৰ পৰীক্ষাৰ অন্ততহে এই ঘটনাৰ কাৰণ সঠিক ভাবে উলিয়াব পৰা যাব।

ইপিনে স্থানীয় একাংশ লোকে অভিযোগ কৰা অনুসৰি আৰক্ষী আৰু আৱকাৰী বিভাগৰ একাংশ বিষয়া-কৰ্মচাৰীক মেনেজ কৰি দম্পতি হালে দীৰ্ঘ দিন ধৰি আমিল্লা গাওঁত চুলাই মদৰ ৰমৰমীয়া বেহা চলাই আহিছে।

মুখ্যমন্ত্ৰী যোগী আদিত্যনাথে এই ঘটনাৰ এক তদন্তৰ নিৰ্দেশ দিছে।