ভাৰতৰ লগত আমেৰিকা সেনা : হোৱাইট হাউছ
ভাৰত-চীনৰ মাজত চলা সীমা কেন্দ্ৰিক বিবাদ শাম কটাৰ সময়তে আমেৰিকাৰ ফালৰ পৰা আহিছে এটা গুৰুত্বপূৰ্ণ বাৰ্তা। হোৱাইট হাউছৰ ফালৰ পৰা অহা বাৰ্তাটোত কোৱা হয় যে যদিহে চীনে পুনৰবাৰ ভাৰতৰ সৈতে সংঘাতত লিপ্ত হয় তেন্তে আমেৰিকা সেনা ভাৰতৰ সৈতে থিয় দিব।
বিভিন্ন এজেন্সিয়ে প্ৰকাশ কৰা অনুসৰি হোৱাইট হাউছৰ এগৰাকী উচ্চ পৰ্যায়ৰ বিষয়াই কৈছে যে আমেৰিকাৰ ফালৰ স্পষ্ট যে চীনৰ স্বৈৰাচাৰিতা আমি আৰু সহ্য নকৰো। এই কাৰণতেই দক্ষিণ চীন সাগৰত নেভি নিয়োগ কৰা বুলি জনায়।
হোৱাইট হাউছৰ চীফ অফ ষ্টাফ মাৰ্ক মীডবোৱে ফক্স নিউজত দিয়া এটা সাক্ষাৎকাৰত কয় যে আমাৰ সেনা যুদ্ধৰ বাবে সাজু। তেওঁ লগতে আমেৰিকাৰ প্ৰশাসন সদাই সেনাৰ লগত আছে বুলিও মন্তব্য কৰে।
ইয়াৰ পূৰ্বে ৰিপাব্লিকান পাৰ্টিৰ চিনেটৰ টম কাটনে কয় যে চীনে ভাৰতৰ উপৰি যি কেইখন দেশৰ সৈতে সংঘাতত লিপ্ত হৈছে সেই আটাই কেইখন দেশে আমেৰিকাৰ বন্ধু। এনেধৰণৰ কাৰ্যৰ বাবে চীনৰ দক্ষিণ সাগৰত আমেৰিকাৰ সেনা নিয়োগ কৰা বুলি কয়।
উল্লেখ্য যে ইয়াৰ পূৰ্বেও মাইক প’ম্পিঅ’ৱে কৈছিল যে আমেৰিকাই নিজৰ সেনা এছিয়ালৈ পঠিয়াব কিয়নো চীনে ভাৰতৰ সৈতে সংঘাতত লিপ্ত হৈছে।
ইফালে ক’ৰ’না ভাইৰাছে আমেৰিকাৰ লগতে বিশ্বৰ সকলো প্ৰান্ততে সংহাৰী ৰূপ ধাৰণ কৰাক কেন্দ্ৰ কৰি ৰাষ্ট্ৰপতি ড’নাল্ড ট্ৰাম্পে সমালোচনাৰে থকা সৰকা কৰিছে চীনক।