কাঞ্চনজংঘাৰ প্রথম দৰ্শনীৰ দৰ্শক হ’লে জুবিনৰ পৰা লাভ কৰক এই বিশেষ উপহাৰ!
অতি শীৰ্ঘে চলচ্চিত্ৰ গৃহত মুকলি কৰি দিয়া হ’ব অসমৰ জনপ্ৰিয় কণ্ঠশিল্পী জুবিন গাৰ্গৰ হেপাহৰ ছবি কাঞ্চনজংঘা। ইতিমধ্যে চলচ্চিত্ৰখনকলৈ অসমীয়া চলচ্চিত্ৰৰ দৰ্শকসকলৰ মনত যথেষ্ট উৎসুকতা দেখিবলৈ পোৱা গৈছে।
কাঞ্চনজংঘাত মূল চৰিত্ৰত অভিনয় কৰা শিল্পী জুবিন গাৰ্গ বৰ্তমান বিশেষ অনুষ্ঠানত অংশগ্ৰহণ কৰাৰ বাবে আমেৰিকাত আছে।
আমেৰিকাৰ থকা জুবিনে তেওঁৰ কাঞ্চনজংঘা চাবলৈ অহা দৰ্শকসকলৰ বাবে উপহাৰ কিনাত ব্যস্ত আছে। তেওঁ নিজেই এই কথা ছ’চিয়েল মিডিয়াত ব্যক্ত কৰিছে।
এখন ফটো ইনষ্টাগ্ৰামত পোষ্ট কৰি জুবিনে এনেদৰে লিখিছে ‘আমেৰিকাৰ পৰা মোৰ মানুহবোৰৰ বাবে উপহাৰ কঢ়িয়াই আনিছো! কাঞ্চনজংঘাৰ প্ৰথম দিনাৰ দৰ্শক হওক আৰু মোৰ পৰা এইবোৰ উপহাৰ লৈ যাওক’।
জুবিনৰ ছ’চিয়েল মিডিয়াত আপলোড কৰা পোষ্টৰ পাছতে এতিয়া জুবিন অনুৰাগীসকলৰ মাজত যথেষ্ট উৎসাহ পৰিলক্ষিত হৈছে।
উল্লেখযোগ্য যে, বিষ্ণু ৰাভা দিৱসৰ লগত সংগতি ৰাখি ২০ জুনত চলচ্চিত্ৰখনৰ সংগীতসমূহ শ্ৰদ্ধাঞ্জলি কাননত মুক্তি দিয়া হৈছিল তাৰ পাছতে ছবিখনৰ ট্ৰেইলৰো মুকলি কৰি দিয়া হয় য়ুটিউবত।
অসম আৰু উত্তৰ-পূবক লৈ নিৰ্মাণ কৰা চলচ্চিত্ৰখনৰ বেছিভাগ চিত্ৰগ্ৰহণ কৰা হৈছিল তেজপুৰৰ বিভিন্ন মনোৰম লোকেশ্যনত।