এইবাৰ দুৰ্গা দেৱী আহিছে কিহত আৰু যাব কিহত? ইয়াৰ অৰ্থ কি?
মহালয়াৰ দিনৰে পৰা আৰম্ভ হৈছে উৎসৱৰ আমেজ। দুৰ্গাৰ আগমন গুঞ্জৰিত হৈ আছে চৌদিশে।
ইতিমধ্যে আৰম্ভ হৈছে দৰ্শন, পূজা, খোৱা আৰু না না অনুষ্ঠান। কিন্তু এই সকলো আনন্দৰ মাজতো চিন্তিত হৈ পৰিছে ভক্তসকল। কাৰণ এইবাৰ মা দুৰ্গা ঘোঁৰাত উঠি আহিছে আৰু তেনেকৈ ঘোঁৰাত উঠিয়েই যাবগৈ।
ই শুভ নে অশুভ লক্ষণ ? জ্যোতিষে কি কয় জানো আহক।
যোৱা ১৫ অক্টোবৰৰ পৰা শাৰদীয় নৱৰাত্ৰি উদযাপন আৰম্ভ হৈছে। ২৩ অক্টোবৰলৈকে চলিব এই নৱৰাত্ৰি। তাৰ পিছত ২৪ অক্টোবৰত দেৱীক বিদায় দি বিজয়া দশমী উদযাপন কৰিব ভক্তসকলে।
ৰামে ৰাৱণক হত্যা কৰাৰ দিনাই উদযাপন কৰা হ’ব দশমী। জনবিশ্বাস অনুসৰি দুৰ্গা পূজাৰ এই দিনটোত দেৱী দুৰ্গা মৰ্ত্য জগতত থাকি ভক্তক সকলো বিপদৰ পৰা ৰক্ষা কৰে।
কিন্তু এই সকলোবোৰতে বিপদৰ সম্ভাৱনা আছে। কাৰণ এইবাৰ মা দুৰ্গা ঘোঁৰাত উঠি আহি ঘোঁৰাত উঠিয়েই কৈলাশলৈ উভতি যাব।
পুৰোহিত সকলে বিশ্বাস কৰে যে মা দুৰ্গা ঘোঁৰাত আহি ঘোঁৰাত উঠি গুচি গ’লে ৰজাৰ মাজত কাজিয়া আৰম্ভ হয়, ৰাজ পৰিয়ালত বিভাজনৰ সৃষ্টি হয়। পুৰোহিতসকলে কয় যে দেৱী দুৰ্গাৰ এই আগমন ভাল লক্ষণ নহয়। মুঠতে এইবাৰ দেশত সামাজিক, ৰাজনৈতিক আৰু যুদ্ধ সম্পৰ্কীয় অশান্তিৰ সৃষ্টি হোৱাৰ সম্ভাৱনা আছে।