বিয়াৰ পিছত ২২ মাহে শাৰীৰিক সম্পৰ্ক কৰাত বাধা স্বামীক! : অৱসাদগ্ৰস্ত স্বামীয়ে কৰিলে আত্মহত্যা
এক অভূতপূৰ্ব ঘটনা ঘটিছে গুজৰাটৰ আহমেদাবাদৰ শ্বাহেৰকোটাত।
বিয়াৰ পিছত ২২ মাহে পত্নীৰে শাৰীৰিক সম্পৰ্ক স্থাপনত ব্যৰ্থ এজন স্বামীয়ে মানসিকভাৱে ভাঙি পৰি আত্মহত্যাৰ পথ বাছি ল’লে।
ঘটনাৰ বিৱৰণিৰ মতে ৩২ বছৰীয়া ৰে’লৱেত কৰ্মৰত সুৰেন্দ্ৰসিন নামৰ ব্যক্তিজনৰ ২০১৬ চনত প্ৰথমা পত্নীৰে বিবাহ বিচ্ছেদ ঘটে।
কিন্তু সুৰেন্দ্ৰসিনে গীতা পাৰমাৰ নামৰ অন্য এগৰাকী বিবাহ বিচ্ছেদিত নাৰীৰ সৈতে ২০১৮ চনৰ অক্টোবৰ মাহত দ্বিতীয়বাৰ বিবাহপাশত আৱদ্ধ হয়।
যোৱা ২৭ জুলাইত আহমেদাবাদৰ চাচাপুৰৰ নিজা বাসগৃহৰ বেডৰুমৰ চিলিং ফেনত ওলমি থকা অৱস্থাত পৰিয়ালৰ লোকে প্ৰত্যক্ষ কৰে সুৰেন্দ্ৰসিনৰ দেহ।
ইয়াৰ পিছতে মাতৃয়ে শ্বাহেৰকোটা আৰক্ষী থানাত সুৰেন্দ্ৰসিনৰ পত্নী গীতাৰ বিৰুদ্ধে এজাহাৰ দাখিল কৰে।
এজাহাৰত মাতৃয়ে পত্নী গীতাই সুৰেন্দ্ৰসিনক আত্মহত্যা কৰিবলৈ প্ৰৰোচিত কৰা বুলি অভিযোগ কৰিছে।
সুৰেন্দ্ৰসিনৰ মাতৃয়ে কিছুদিন পূৰ্বে পুত্ৰৰ গৃহলৈ আহি জানিব পাৰিছিল যে পো-বোৱাৰী দুয়োৱে ৰাতি পৃথকে পৃথকে শুইছিল।
এই বিষয়ে মাতৃয়ে জানিব বিচৰাত সুৰেন্দ্ৰসিনে মাতৃক কৈছিল যে বিয়াৰ পিছৰ পৰাই তেওঁলোকে পৃথকে পৃথকে শুই আহিছে আৰু পত্নীয়ে তেওঁক শাৰীৰিক সম্পৰ্ক স্থাপনত বাধা দি আহিছে।
এই সকলোবোৰ কথা সুৰেন্দ্ৰসিনৰ মাতৃয়ে এজাহাৰত উল্লেখ কৰিছে বুলি আৰক্ষীয়ে জানিবলৈ দিছে।
পত্নী গীতাই শাৰীৰিক সম্পৰ্ক স্থাপনৰ পৰা বিৰত থকাত সুৰেন্দ্ৰসিন মানসিকভাৱে যথেষ্ট ভাঙি পৰে।
এইদৰে মানসিকভাৱে ভাঙি পৰাৰ ফলতে পুত্ৰ সুৰেন্দ্ৰসিনে আত্মহত্যাৰ পথ বাছি লোৱা এজাহাৰত মাতৃয়ে উল্লেখ কৰিছে।
সুৰেন্দ্ৰসিনৰ মাতৃৰ এজাহাৰ ভিত্তিত ইতিমধ্যে শ্বাহেৰকোটা আৰক্ষীয়ে পত্নী গীতা পাৰমাৰক গ্ৰেপ্তাৰ কৰি তদন্ত প্ৰক্ৰিয়া আৰম্ভ কৰিছে।