অসমীয়া সাত বিহুৰ জেং বিহুৰ পৰম্পৰা ৰক্ষা কৰি টীয়কৰ পথাৰত এদল মহিলাৰ জেং বিহু
আজি বহাগৰ পাঁচ তাৰিখ অৰ্থাৎ সাত বহুৰ আজি জেং বিহু অথবা ঠাই ভেদে গাভৰু বিহু। সমগ্ৰ ৰাজ্যতে আজি এই বিশেষ দিনটোত কৰ্মসুত্ৰে বা বিবাহসুত্ৰে বাহিৰত থকা গাভৰুসকল মাকৰ ঘৰলৈ আহি লগৰ বান্ধৱীসকলক লগ পাই বিহু মাৰি আপোন ব’হাগক আদৰণি জনায়।
আজিৰ এই বিশেষ দিনটোত সকলোৱে পৰিয়ালৰ অনান্য জঞ্জালসমূহৰ পৰা আঁতৰি সমনীয়াৰ সৈতে দিনটো আনন্দ উল্লাসেৰে অতীতক স্মৰণ কৰি পাৰ কৰে আৰু পুৰুষৰ পৰা আঁতৰি হাবি বা পথাৰত সকলো গোট খাই বিহু মাৰে।
তদুপৰি, যি বাটৰে সেই নিদিৰ্ষ্ট স্থানলৈ মহিলাসকল যায় সেই পথত এডাল জেং পেলাই থয় যাতে পুৰুষ তাত সোমাব নোৱাৰে বা পুৰুষে তেওঁলোকৰ নাচ গীত আনন্দবোৰ চাব নোৱাৰে।
লগতে পঢ়ক: সোঁত বৈছে নিষিদ্ধ বিদ্ৰোহী সংগঠন লৈ! পুনৰ আলফা স্বাধীনত যোগদান উজনিৰ দুই যুৱকৰ
পূৰ্বৰ পৰম্পৰা ৰক্ষা কৰি টীয়ক তেলীয়া গাঁৱৰ মহিলাসকলেও আজি ব’হাগৰ ৫ তাৰিখে সকলো বান্ধৱী গোট খাই জেং বিহু মাৰিছে। বিহু গীত আৰু টকাৰ মাতত প্ৰকৃতিক উন্মনা কৰাৰ প্ৰয়াস কৰি নানা ৰং ৰহস্যৰ মাজেদি আত্মহাৰা হৈছে।
ইয়াৰ লগতে এই পৰম্পৰা যাতে উঠি অহা প্ৰজন্ময়ো অনুকৰণ কৰি চেনেহৰ বিহুটি উদযাপন কৰে তাৰ উদ্দেশ্যে এইদৰে প্ৰতিবছৰৰ দৰে এইবাৰো এইসকল মহিলাই জেং বিহু অথবা গাভৰু বিহু পালন কৰিছে বুলি মন্তব্য প্ৰকাশ কৰিছে।